ബംഗളൂരു: അണ്ടര്‍ 19 ക്രിക്കറ്റ് ലോകകപ്പില്‍ ഇന്ത്യയുടെ ആദ്യമ മത്സരം ആസ്‌ത്രേലിയക്കെതിരേ. മൂന്നുതവണ ജേതാക്കളായ ആസ്‌ത്രേലിയക്കെതിരായ മത്സരം ഇന്ത്യക്ക് കടുപ്പമേറിയതാണ്. ജനുവരി 14നാണ് പോരാട്ടം. ഗ്രൂപ്പ് ബിയിലാണ് ഇരുടീമുകളും ഉള്‍പ്പെട്ടിരിക്കുന്നത്. സിംബാബ്‌വെ, പാപുവ ന്യൂഗിനിയ എന്നിവരും ഗ്രൂപ്പിലുണ്ട്.
ഗ്രൂപ്പ് എയില്‍ നിലവിലെ ജേതാക്കളായ വെസ്റ്റിന്‍ഡീസ് ആതിഥേയരായ ന്യൂസിലന്‍ഡിനെ നേരിടും. ടൂര്‍ണമെന്റിലെ ആദ്യ മത്സരമാണിത്. ജനുവരി 13നാണ് ടൂര്‍ണമെന്റ് ആരംഭിക്കുന്നത്. ഫൈനല്‍ ഫെബ്രുവരി മൂന്നിനാണ്. ദക്ഷിണാഫ്രിക്ക, കെനിയ എന്നിവരുള്ള കടുപ്പമേറിയ ഗ്രൂപ്പാണ് എ ഗ്രൂപ്പ്.
ഗ്രൂപ്പ് സിയില്‍ ഇംഗ്ലണ്ട്, ബംഗ്ലാദേശ്, കാനഡ, നമീബിയ എന്നിവരും ഗ്രൂപ്പ് ഡിയില്‍ പാകിസ്താന്‍, ശ്രീലങ്ക, അഫ്ഗാനിസ്ഥാന്‍, അയര്‍ലന്‍ഡ് എന്നീ ടീമുകളുമാണുള്ളത്.