ന്യൂഡല്‍ഹി: ബള്‍ഗേറിയന്‍ ഓപണ്‍ ഇന്റര്‍നാഷണല്‍ ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ ലക്ഷ്യ സെന്നിന് കിരീടം. സിംഗിള്‍സ് ഫൈനലില്‍ ക്രൊയേഷ്യയുടെ സ്വോനിമിര്‍ ദുര്‍കിന്‍ജാക്കിനെയാണ് പരാജയപ്പെടുത്തിയത്. സ്‌കോര്‍ 18-21, 21-12, 21-17. മൂന്നു സെറ്റ് മത്സരത്തില്‍ ഇഞ്ചോടിഞ്ച് പോരാടിയാണ് താരം മത്സരം സ്വന്തമാക്കിയത്. നേരത്തെ സെമി ഫൈനലില്‍ ശ്രീലങ്കയുടെ ദിനുക കരുണരത്‌നയെ താരം പരാജയപ്പെടുത്തിയിരുന്നു.
ജൂനിയര്‍ റാങ്കിങില്‍ ഒന്നാം സ്ഥാനക്കാരനാണ് ലക്ഷ്യ സെന്‍. നേരത്തെ മുന്‍ ഓള്‍ ഇംഗ്ലണ്ട് ചാംപ്യന്‍ പീറ്റര്‍ ഗാഡിന്റെ കീഴില്‍ താരം പരിശീലനം നടത്തിയിരുന്നു. ഇത് താരത്തിന് ഗുണം ചെയ്തതായി ലക്ഷ്യയുടെ പരിശീലകന്‍ വിമല്‍ കുമാര്‍ പറഞ്ഞു.