വിയന്ന: യൂറോപ്പ്യന്‍ പര്യടനത്തിലെ അവസാന മത്സരത്തില്‍ ഇന്ത്യക്ക് തകര്‍പ്പന്‍ ജയം. ആവേശകരമായ പോരാട്ടത്തില്‍ മൂന്നിനെതിരേ നാലു ഗോളുകള്‍ക്ക് ഓസ്ട്രിയയെ ആണ് ഇന്ത്യ പരാജയപ്പെടുത്തിയത്. കഴിഞ്ഞ ദിവസം ഹോളണ്ടിനെതിരായ രണ്ടു മത്സരങ്ങളിലും ഇന്ത്യ മികച്ച ജയം സ്വന്തമാക്കിയിരുന്നു.
ഓസ്ട്രിയക്കെതിരേ രമണ്‍ ദീപിന്റെയും ചിംഗല്‍സേനയുടെയും ഇരട്ട ഗോളുകളാണ് ഇന്ത്യയെ വിജയത്തിലേക്ക് നയിച്ചത്. ഓസ്ട്രിയക്കായി ഒലിവര്‍ ബിന്‍ഡര്‍, മൈക്കല്‍ കോര്‍പര്‍, പാട്രിക് സ്മിഡ്റ്റ് എന്നിവര്‍ സ്‌കോര്‍ ചെയ്തു. യൂറോപ്പ്യന്‍ പര്യടനത്തില്‍ ഇന്ത്യ മൂന്നു ജയം നേടിയപ്പോള്‍ രണ്ടു തോല്‍വികളാണ് വഴങ്ങിയത്.