കല്‍പ്പറ്റ: കാഞ്ഞിരത്തിനാല്‍ കുടുംബം രണ്ട് വര്‍ഷമായി നടത്തിവരുന്ന സമരം നീതിക്ക് വേണ്ടിയുള്ള കര്‍ഷക സമരങ്ങള്‍ക്ക് ഊര്‍ജ്ജം നല്‍ക്കുന്നതാണന്ന് മുന്‍ കേന്ദ്രമന്ത്രി പി.സി തോമസ് പറഞ്ഞു. രാജ്യം സ്വാതന്ത്ര്യം ആഘേഷിക്കുമ്പോഴും കര്‍ഷകര്‍ അടക്കം നിരവധി കുടുംബങ്ങള്‍ സ്വതന്ത്ര്യം നിഷേധിക്കപ്പെട്ട് ജീവിക്കുന്നു എന്നത് കാണാതിരിക്കാനാവില്ലെന്നും സമരസഹായസമിതിയുടെ രാപ്പകല്‍ പ്രതിഷേധ ധര്‍ണയുടെ സമാപന പെതുയോഗം ഉദ്ഘാടനം ചെയ്തുകൊണ്ട് പി.സി തോമസ് പറഞ്ഞു.
സമരം രണ്ട്‌വര്‍ഷം പൂര്‍ത്തിയാക്കുന്ന ഈ സമയത്തും ഭരണകൂടത്തിന്റെ ഭാഗത്ത് നിന്ന് അനുകൂലമായ ഒരു തീരുമാനവും ഉണ്ടാക്കാത്തതില്‍ പ്രതിഷേധിച്ചാണ് രാപ്പകല്‍ പ്രതിഷേധ ധര്‍ണ നടത്തിയത്.
കണ്‍വിനര്‍ പി.പി ഷൈജല്‍ സമാപന പെതുസമ്മേനത്തില്‍ അധ്യക്ഷനായി. ഫാ. തോമസ് പെരുമാട്ടില്‍ കുന്നില്‍ മുഖ്യപ്രഭാഷണം നടത്തി. സാലി റാട്ടക്കൊല്ലി, സാം പി. മാത്യു, പി.ടി പ്രേമാനന്ദന്‍, മാക്കമ്മ, വെള്ളച്ചി ബാലന്‍, കെ.ജി മനോഹരന്‍, സുധീര്‍ കുമാര്‍, ലലാജി ശര്‍മ്മ, എം.ജി സുനില്‍ കുമാര്‍, മടായി ലത്തീഫ്, വി.എസ് ജോസഫ് സംസാരിച്ചു.