കാഞ്ഞങ്ങാട്: കെ.എസ്.ആര്‍.ടി.സി കണ്ണൂര്‍, കാസര്‍കോട് ജില്ലകളിലെ മലയോര മേഖലയെ ബന്ധിപ്പിച്ചു കൊല്ലൂരിലേക്കുള്ള ഡീലക്‌സ് ബസ് സര്‍വിസ് നാളെ ആരംഭിക്കും. തലശ്ശേരിയില്‍ നിന്നാണു സര്‍വിസ് തുടങ്ങുക.
നാളെ രാവിലെ എട്ടിനു തലശ്ശേരി ഡിപ്പോയില്‍ എ.എന്‍ ഷംസീര്‍ എം.എല്‍.എ ഫഌഗ് ഓഫ് ചെയ്യും. തലശ്ശേരിയില്‍ നിന്നു രാവിലെ 4.30നു പുറപ്പെട്ട് കൂത്തുപറമ്പ്, മട്ടന്നൂര്‍, ഇരിട്ടി(5.30), ഉളിക്കല്‍, പയ്യാവൂര്‍, ചെമ്പേരി, ആലക്കോട്, ചെറുപുഴ(7.15), ഭീമനടി, വെള്ളരിക്കുണ്ട്, പരപ്പ, ഒടയംചാല്‍, കാഞ്ഞങ്ങാട്, കാസര്‍കോട്, തൊക്കോട്, മംഗളൂരു(10), ഉടുപ്പി വഴി ഉച്ചയ്ക്ക് 12.45നു കൊല്ലൂരില്‍ എത്തിച്ചേരും.