മലപ്പുറം: പ്രൈമറി സ്‌കൂളുകളിലേക്കുള്ള ഹൈടെക് ഉപകരണങ്ങളുടെ ജില്ലാതല വിതരണം ഐ.ടി അറ്റ് സ്‌കൂള്‍ ജില്ലാ ഓഫിസില്‍ നടന്നു. ഡയറ്റ് ലക്ചറര്‍ പി. മുഹമ്മദ് മുസ്തഫ ഉദ്ഘാടനം ചെയ്തു. ഐ.ടി അറ്റ് സ്‌കൂള്‍ മാസ്റ്റര്‍ ട്രെയിനര്‍ കെ. ഉസ്മാന്‍ ആധ്യക്ഷനായി. പൈലറ്റ് പ്രൊജക്ടായി 23 സ്‌കൂളുകളിലേക്കും ഡയറ്റിലേക്കുമായി 283 ലാപ്‌ടോപ്പുകളും 111 പ്രൊജക്ടറുകളും വിതരണം ചെയ്തു.
ഹൈടെക് പ്രൊജക്ടിന്റെ പദ്ധതി വിശദീകരണം ഐ.ടി അറ്റ് സ്‌കൂള്‍ മാസ്റ്റര്‍ ട്രെയിനര്‍ കോഡിനേറ്റര്‍ പ്രദീപ് കുമാര്‍ മാട്ടറ നിര്‍വഹിച്ചു. മാസ്റ്റര്‍ ട്രെയിനര്‍മാരായ ഹബീബുറഹ്മാന്‍ പുല്‍പ്പാടന്‍, അബ്ദുല്‍ റസാഖ്, ലാല്‍, മുഹമ്മദ് ബഷീര്‍ ചെമ്മല, കുട്ടിഹസ്സന്‍ സംസാരിച്ചു.