വാഴക്കാട്: പഞ്ചായത്തിലെ വിവിധ ഭാഗങ്ങളില്‍ കൂട്ടിയിട്ട മാലിന്യങ്ങള്‍ നീക്കം ചെയ്യാത്ത പഞ്ചായത്തിന്റെ അനാസ്ഥയില്‍ പ്രതിഷേധിച്ച് വാഴക്കാട് പഞ്ചായത്ത് യൂത്ത്‌ലീഗ് പഞ്ചായത്ത് സെക്രട്ടറിയെ ഉപരോധിച്ചു. മാലിന്യ നിര്‍മാര്‍ജനം രണ്ടാം ഘട്ടത്തിന്റെ ഭാഗമായി മാസങ്ങള്‍ക്ക് മുന്‍പ് വീടുകളില്‍ കയറി ശേഖരിച്ച് സംസ്‌കരണത്തിനായി കൊണ്ടുപോവാനായി വഴിയരികില്‍ കൂട്ടിയിട്ട മാലിന്യങ്ങളാണ് നീക്കം ചെയ്യാതെ നാട്ടുകാര്‍ക്ക് ദുരിതമായി മാറിയത്. പത്തുദിവസത്തിനുള്ളില്‍ മാലിന്യം നീക്കം ചെയ്യാമെന്ന് പഞ്ചായത്ത് സെക്രട്ടറി ഉറപ്പുനല്‍കി.
ജില്ലാ യൂത്ത്‌ലീഗ് സെക്രട്ടറി അഡ്വ.എം.കെ നൗഷാദ്, മണ്ഡലം സെക്രട്ടറി സി.ടി റഫീഖ്, പഞ്ചായത്ത് അംഗം കെ.എ സലീം, പി. അബൂബക്കര്‍, യൂത്ത്‌ലീഗ് ഭാരവാഹികളായ കെ.വി നിസാര്‍, സാദിഖ് കാക്കാടന്‍, എം.സി റഫീഖ്, സി. വീരാന്‍കുട്ടി, അസീസ് തിരുവാലൂര്‍, റഫീഖ് മുലയില്‍, മുനീര്‍ കുറുപ്പത്ത്, നാസര്‍ മുക്കോരക്കല്‍ എന്നിവര്‍ നേതൃത്വം നല്‍കി.