കോഴിക്കോട്: നോക്കിയയുടെ ആന്‍ഡ്രോയിഡ് ശ്രേണിയിലെ രണ്ടാമത്തെ മൊബൈല്‍ ഫോണായ 'നോക്കിയ 5' വിപണിയില്‍. നോക്കിയയുടെ അംഗീകൃത വിതരണക്കാരായ എച്ച്.എം.ടി ഗ്ലോബല്‍ സൗത്ത് ആന്‍ഡ് വെസ്റ്റ് ജി.എം ടി.എസ് ശ്രീധറും മൈജി സി.എം.ഡി എ.കെ ഷാജിയും ചേര്‍ന്നാണ് നോക്കിയ 5 കേരള വിപണിയില്‍ ഇറക്കിയത്. ആദ്യ ആന്‍ഡ്രോയിഡായ നോക്കിയ 3 ന് ശേഷമാണ് 5 പുറത്തിറക്കിയിരിക്കുന്നത്. 12,499 രൂപയാണ് വില. മികച്ച ബാറ്ററി ലൈഫും മെച്ചപ്പെട്ട ഗ്രാഫിക്‌സ് പെര്‍ഫോമന്‍സും ഉറപ്പു നല്‍കുന്ന നോക്കിയ 5 തുടക്കത്തില്‍ മാറ്റ് ബ്ലാക്ക് വര്‍ണത്തിലും ഏതാനും ദിവസത്തിനുള്ളില്‍ മറ്റു വര്‍ണങ്ങളിലും ലഭ്യമാകും. 5.2 ഇഞ്ച് ഐ.പി.എസ് എച്ച്.ഡി ഡിസ്‌പ്ലേയുമായി ഗൊറില്ല ഗ്ലാസിന്റെ പരിരക്ഷയോടെ 6000 സീരിസ് അലൂമിനിയത്തിന്റെ സിംഗിള്‍ ബ്ലോക്ക് ഉപയോഗിച്ച് രൂപകല്‍പ്പന ചെയ്തതാണ് നോക്കിയ 5. ഓണാഘോഷ കാലത്തു തന്നെ കേരളത്തിലെ ഉപഭോക്താക്കളെ സന്തുഷ്ടരാക്കാവുന്ന ഓഫറുകളുമായി നോക്കിയ വിപണയിലേക്കെത്തുന്നതെന്ന് ടി.എസ് ശ്രീധര്‍ പറഞ്ഞു. ഓരോ പര്‍ച്ചെയ്‌സിങിലൂടെയും ലഭിക്കുന്ന കൂപ്പണ്‍ വഴി ഒരു സ്വിഫ്റ്റ്് കാര്‍, ആറ്് റോയല്‍ എന്‍ഫീല്‍ഡ് ബൈക്കുകള്‍ എന്നിവയാണ് ഉപഭോക്താക്കളെ കാത്തിരിക്കുന്നതെന്ന് ത്രി ജി-മൈജി സി.എം.ഡി എ.കെ ഷാജി പറഞ്ഞു. ഓണക്കാലത്ത് മൈജിയുമായി ചേര്‍ന്ന് ഉപഭോക്താക്കള്‍ക്ക് വമ്പന്‍ പദ്ധതികളാണ് എച്ച്.എം.ടി ഗ്ലോബല്‍ നടപ്പിലാക്കുന്നതെന്നും അദ്ദേഹം വ്യക്തമാക്കി.