കൊച്ചി: മലയാള പുരസ്‌കാര സമിതിയുടെ ആഭിമുഖ്യത്തില്‍ നല്‍കുന്ന രണ്ടാമത് മലയാള പുരസ്‌കാരങ്ങള്‍ പ്രഖ്യാപിച്ചു. വിവിധ രംഗത്തുനിന്നും സമഗ്ര സംഭാവനയ്ക്ക് സി. രാധാകൃഷ്ണന്‍(സാഹിത്യം), ജസ്റ്റിസ് കെ.സുകുമാരന്‍(സാഹിത്യം,നിയമം,പരിസ്ഥിതി), പ്രൊഫ.എം.കെ സാനു(സാഹിത്യം), ഡോ.എം. ലീലാവതി(സാഹിത്യം), എ.കെ പുതുശേരി(സാഹിത്യം,നാടകം, ചലച്ചിത്രം), ശ്രീകുമാരന്‍ തമ്പി (ചലച്ചിത്രം), എസ്. ജാനകി (ചലച്ചിത്ര സംഗീത രംഗം), ഡോ. കലാമണ്ഡലം രാധിക (നൃത്ത രംഗം), കെ.വി ദയാല്‍ (കാര്‍ഷിക രംഗം) അംബിക പണിക്കര്‍ (കരകൗശല രംഗം) എന്നിവര്‍ക്ക് പുരസ്‌കാരം നല്‍കും. വാര്‍ത്ത സമ്മേളനത്തില്‍ സി.വി ഹരീന്ദ്രന്‍, ഇസ്മയില്‍ കൊട്ടരപ്പാട്ട്, ബിനു വിശ്വനാഥ്, ഷഫീഖ് റഹിമാന്‍, ലേഖ വൈലോപ്പിള്ളി, റോയ് കുത്തൂര്‍, ഗനിയ മെഹര്‍ എന്നിവര്‍ പങ്കെടുത്തു.