അരൂര്‍: ശാന്തിഗിരി ആശ്രമ സ്ഥാപകാചാര്യന്‍ നവജ്യോതി ശ്രീകരുണാകര ഗുരുവിന്റെ 91 -ാം ജന്മദിന പൂജിത സമര്‍പ്പണം നവപൂജിതം വിളംബര സമ്മേളനം 20ന് ഗുരുവിന്റെ ചന്ദിരൂരിലെ ജന്മഗൃഹത്തില്‍ മന്ത്രി പി.തിലോത്തമന്‍ ഉദ്ഘാടനം ചെയ്യും.
ശാന്തിഗിരി ആശ്രമം ജനറല്‍ സെക്രട്ടറി സ്വാമി ചൈതന്യ ജ്ഞാന തപസ്വി അദ്ധ്യക്ഷത വഹിക്കും. അഡ്വ.ഏ.എം.ആരിഫ് എം.എല്‍.എ മുഖ്യ പ്രഭാഷണം നടത്തും.
ശാന്തിഗിരി ആശ്രമം ചേര്‍ത്തല ഏരിയ ഹെഡ് ജനി വിജയ ജ്ഞാന തപസ്വിനി മഹനീയ സാന്നിദ്ധ്യം അലങ്കരിക്കും. ആലപ്പുഴ ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ വിശിഷ്ടാതിഥിയാകും.
കേരള യൂണിവേഴ്‌സിറ്റി ബി.കോം പരീക്ഷയില്‍ രണ്ടാം റാങ്ക് നേടിയ എം.എം.അമൃതയെ ചടങ്ങില്‍ ആദരിക്കും.
അരൂര്‍ ഗ്രാമപഞ്ചായത്ത് പ്രസിഡന്റ് ബി. രത്‌നമ്മ, അഡ്വ.മനു.സി.പുളിക്കല്‍, പി.കെ.ഷാജി മോഹന്‍, അഡ്വ.എം.കെ.ഉത്തമന്‍, തുറവുര്‍ സുരേഷ്, കെ.കെ. മഹേശന്‍, സജീവ് ലാല്‍, ബി.ഗോപാലകൃഷ്ണന്‍ നായര്‍, സി.എ.ജാഫര്‍, പഞ്ചായത്ത് അംഗം സി.കെ.പുഷ്പന്‍, ഏ.അബൂബക്കര്‍, പി.ജി.രവീന്ദ്രന്‍, സി.എന്‍.സുരേഷ്, എം.എന്‍.നിഷ, ബി.വത്സല, എസ്.അനില്‍കുമാര്‍, മംഗള ലെനിന്‍ എന്നിവര്‍ സംസാരിക്കും.
ശാന്തിഗിരി ആശ്രമം ജന്മഗൃഹം ഇന്‍ ചാര്‍ജ്ജ് സ്വാമി ചിത്തശുദ്ധന്‍ ജ്ഞാന തപസ്വി സ്വാഗതവും ആശ്രമം എറണാകുളം ബ്രാഞ്ച് ഇന്‍ചാര്‍ജ്ജ് സ്വാമി ജ്യോതി ചന്ദ്രന്‍ ജ്ഞാന തപസ്വി നന്ദിയും പറയും.