മലപ്പുറം: അഖിലേന്ത്യാ കിസാന്‍ സഭാ ജില്ലാ സമ്മേളനം  12,13 തിയതികളില്‍ നിലമ്പൂര്‍ ഐ.എം.എ ഹാളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 12ന് ഉച്ചക്ക് മൂന്നിന് സെമിനാര്‍ കൃഷിമന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. കിസാന്‍ സഭ സംസ്ഥാന ട്രഷറര്‍ തുളസീദാസ് മേനോന്‍ അധ്യക്ഷനാവും. അഖിലേന്ത്യാ കിസാന്‍ സഭ ജനറല്‍ സെക്രട്ടറി സത്യന്‍ മൊകേരി, അബ്ദുല്‍ വഹാബ് എം.പി, പി.വി അന്‍വര്‍ എംഎല്‍എ തുടങ്ങിയവര്‍ പങ്കെടുക്കും. 13ന് രാവിലെ 10.30ന് പ്രതിനിധി സമ്മേളനം കിസാന്‍ സഭ സംസ്ഥാന പ്രസിഡന്റ് വി. ചാമുണ്ണി ഉദ്ഘാടനം ചെയ്യും. ജില്ലാപ്രസിഡന്റ് എം.എ അജയ്കുമാര്‍ അധ്യക്ഷനാവും. ഗ്രൂപ്പ് ചര്‍ച്ച, തെരഞ്ഞെടുപ്പ് എന്നിവ നടക്കും. വാര്‍ത്താ സമ്മേളനത്തില്‍ എം.എ അജയ്കുമാര്‍, തുളസീദാസ് പങ്കെടുത്തു.