ഗുരുവായൂര്‍: ഗുരുവായൂര്‍ വ്യാപാരി വ്യവസായി സമിതി ഗുരുവായൂരിന്റെ വാര്‍ഷിക സമ്മേളനവും കുടുംബ സംഗമവും ഓഗസ്റ്റ് 26 ന് കെ വി അബ്ദുള്‍ഖാദര്‍ എം എല്‍ എ ഉല്‍ഘാടനം ചെയ്യുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. വൈകീട്ട് 3.30ന് നഗര സഭ ലൈബ്രറി ഹാളില്‍ നടക്കുന്ന സമ്മേളനത്തില്‍ പ്രസിഡന്റ് പി ഐ അരവിന്ദന്‍ അധ്യക്ഷനാകും. ഉന്നത വിജയം കരസ്ഥമാക്കിയ വിദ്യാര്‍ത്ഥികള്‍ക്ക് ഉള്ള പുരസ്‌കാരം ചടങ്ങില്‍ വിതരണം ചെയ്യും. ഗുരുവായൂര്‍ നഗരസഭാ വൈസ് ചെയര്‍മാന്‍ കെ പി വിനോദ് ,സി പി എം ഏരിയ സെക്രട്ടറി എം കൃഷണ ദാസ്, കെ എം ലെനിന്‍, ആര്‍ വി ഇക്ബാല്‍, ടി ബാബു ആന്റണി, എം സി സുനില്‍, പി കെ അബ്ദുല്‍ കലാം, ജോഫി കുരിയന്‍, എം രാമകൃഷ്ണന്‍ എന്നിവര്‍ സംസാരിക്കും.