വടക്കാഞ്ചേരി : റബ്ബര്‍ മരത്തടി കയറ്റിവന്ന മിനിലോറിയുടെ ചെയ്‌സ് പൊട്ടി മരത്തടികള്‍ റോഡിലേക്കു വീണു. സംസ്ഥാന പാതയില്‍ വടക്കാഞ്ചേരി പുതിയ ബസ് സ്റ്റാന്റിനു സമീപം ഇന്നലെവൈകിട്ട് 3.30 ഓടെയാണ് അപകടം. യാത്രക്കാര്‍ ബസ് കയറാന്‍ കാത്തു നില്‍ക്കുന്ന സ്ഥലത്തേക്കാത്ത് മരത്തടികള്‍ പൊട്ടിവീണത്. ബസ് സമരം മൂലം യാത്രക്കാര്‍ ഇല്ലാതിരുന്നതിനാലാണ് വന്‍ അപകടം ഒഴിവായത്. അമിതമായി ഭാരം കയറ്റിയതും വാഹനത്തിന്റെ കാലപഴക്കവുമാണ് അപകടത്തനു കാരണമായതെന്നും ഇത്തരം വാഹനങ്ങളെ നിയന്ത്രിക്കാന്‍ നടപടി വേണമെന്നാണ് ജനങ്ങളുടെ ആവശ്യം.