വാടാനപ്പള്ളി വ് : ചെറിയ പൊതികളാക്കി കഞ്ചാവ് വില്‍പ്പന നടത്തുകയായിരുന്ന രണ്ടുപേരെ എക്‌സൈസ് അധികൃതര്‍ അറസ്റ്റ് ചെയ്തു.ചെമ്മാപ്പിള്ളി തെക്കിനിയേടത്ത് അഖില്‍ (23),കിഴുപ്പിള്ളിക്കര കല്ലിങ്ങല്‍ സല്‍മാന്‍ (23)എന്നിവരാണ് അറസ്റ്റിലായത്.അഖിലിന്റെ കൈയില്‍നിന്ന് 17ഗ്രാമും സല്‍മാന്റെ കൈവശം നിന്ന് 11ഗ്രാമും കഞ്ചാവ് പിടിച്ചെടുത്തു.കഞ്ചാവ് ചെറിയ പൊതികളാക്കി വിദ്യാര്‍ഥികള്‍ക്കും യുവാക്കള്‍ക്കുമാണ് ഇവര്‍ വില്‍പ്പന നടത്തുന്നതെന്ന് എക്‌സൈസ് അധികൃതര്‍ പറഞ്ഞു. വാടാനപ്പള്ളി എക്‌സൈസ് റെയ്ഞ്ച് ഇന്‍സ്‌പെക്ടര്‍ ഹരിനന്ദന്‍, പ്രിവന്റീവ് ഓഫീസര്‍മാരായ ശിവശങ്കരന്‍, വിപിന്‍,കൃഷ്ണന്‍ കുട്ടി, സിവില്‍ എക്‌സൈസ് ഓഫീസര്‍മാരായ കലാദാസ്, കണ്ണന്‍, അജയ്, എ.സന്തോഷ്, കെ.ജെ.ഉണ്ണിക്കൃഷ്ണന്‍, ആന്റണി എന്നിവരടങ്ങിയ സംഘമാണ് വ്യത്യസ്ത അറസ്റ്റുകള്‍ രേഖപ്പെടുത്തിയത്.