കൂറ്റനാട്: കക്കാട്ടിരി മെയിന്‍ റോഡില്‍ പൂര്‍ണമായും തകര്‍ന്ന് വെള്ളവും ചെളിയും കെട്ടി നില്‍ക്കുന്ന മദ്‌റസ മുതല്‍ നിലമ്പതി വരെയുള്ള ഭാഗം വിദ്യാര്‍ഥികളുടെ നേതൃത്വത്തില്‍ കുണ്ടും കുഴിയും മണ്ണും മെറ്റലും നിരത്തി വൃത്തിയാക്കി.
മദ്‌റസയിലേയും സ്‌കൂളിലെയും വിദ്യാര്‍ഥികള്‍ക്ക് കാല്‍നടയാത്ര പോലും അസഹ്യമായ രീതിയിലാണ് ഇവിടങ്ങളില്‍ റോഡ് തകര്‍ന്നുകിടക്കുന്നത്.
പഞ്ചായത്തുകള്‍ റോഡ് വികസനത്തിന് ഫണ്ട് അനുവദിച്ചിട്ട് ഒരു വര്‍ഷത്തോളമായി പക്ഷേ ഇത് വരെയും പണി തുടങ്ങിയിട്ടില്ല.
കക്കാട്ടിരി ഹയാത്തുല്‍ ഇസ്‌ലാം മദ്‌റസയിലെ വിദ്യാര്‍ഥികളായ അസ്‌ലം, അര്‍ഷാദ്, അനസ്, സിറാജ്, ഇര്‍ഷാദ് ആബിദ്, അഫ്‌സല്‍, ഫാസില്‍, ഷാമില്‍, സിയാദ്, നാസിം നേതൃത്വം നല്‍കി.
റോഡ് പണി വൈകുന്നതില്‍ വിദ്യാര്‍ഥികള്‍ക്കുള്ള പ്രതിഷേധത്തിന്റെ ഭാഗം കൂടിയാണ് ഈ ശ്രമമെന്ന് ഇവര്‍ പറഞ്ഞു.