ആനക്കര: ജില്ലാ ടി.ടി.ഐ കലോത്സവത്തില്‍ രണ്ടാം തവണയും ആനക്കര ഡയറ്റിന് ഒന്നാം സ്ഥാനം. ചെര്‍പ്പുളശ്ശേരി ഐഡിയല്‍ ട.ടി.ഐയില്‍ നടന്ന കലേത്സവത്തില്‍ 98 പോയന്റ് നേടിയാണ് ഒന്നാം സ്ഥാനത്തിന് അര്‍ഹതനേടിയത്. 90 പോയന്റ് നേടി കരുണ ടി.ടി.ഐ രണ്ടാം സ്ഥാനം നേടി.
ചെര്‍പ്പുളശ്ശേരി മുന്‍സിപ്പല്‍ ചെയര്‍ പേഴ്‌സണ്‍ ശ്രീലജ വാഴക്കുന്നത്ത് കലോത്സവം ഉദ്ഘാടനം ചെയ്തു. ചെര്‍പുളശ്ശേരി എ.ഇ.ഒ എം. ജയരാജന്‍ പതാക ഉയര്‍ത്തി.
ചെര്‍പുളശ്ശേരി മുനിസിപ്പല്‍ വൈസ് ചെയര്‍മാന്‍ കെ.കെ.എ അസീസ് അധ്യക്ഷനായി. കഥകളി ആചാര്യന്‍ കലാമണ്ഡലം ശ്രീകുമാര്‍, ദേശീയ പുല്ലാങ്കുഴല്‍ അവാര്‍ഡ് ജേതാവ് ശ്രീഹരി കൊട്ടാരത്തില്‍ മുഖ്യാഥിതിയായി. എം. അബ്ദുല്‍മജീദ്, ദീപകുമാര്‍, സേതുമാധവന്‍ സംബന്ധിച്ചു. ഐഡിയല്‍ ടി.ടി.ഐ പ്രിന്‍സിപ്പല്‍ റയ്ഹാനത്ത് സ്വാഗതവും ഐഡിയല്‍ ടി.ടി.ഐ കോര്‍ഡിനേറ്റര്‍ ഹാഫിസ് പറപ്പൂര്‍ നന്ദി പറഞ്ഞു.
വിദ്യഭ്യാസ ഉപ ഡയറക്ടര്‍ ശ്രീകൃഷ്ണന്‍ ട്രോഫികള്‍ വിതരണം ചെയ്തു.