ലക്‌നൗ: ഒരാഴ്ച്ചയ്ക്കിടെ എഴുപതിലധികം കുട്ടികള്‍ മരിച്ച ഉത്തര്‍പ്രദേശിലെ ഗൊരഖ്പൂരിലെ ആശുപത്രിയില്‍ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി സന്ദര്‍ശനം നടത്തും. മരിച്ച കുട്ടികളുടെ ബന്ധുക്കളേയും അദ്ദേഹം കാണും.

ആശുപത്രിയിലെത്തുന്ന രാഹുല്‍ ജപ്പാന്‍ ജ്വരം ബാധിച്ച് ചികിത്സയില്‍ കഴിയുന്ന കുഞ്ഞുങ്ങളേയും കുടുംബങ്ങളേയും സന്ദര്‍ശിക്കും.

അതേസമയം, ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും ഇന്ന് ആശുപത്രി സന്ദര്‍ശിക്കാനെത്തുന്നുണ്ട്. ശുചിത്വ ഉത്തര്‍പ്രദേശ് പ്രചാരണത്തിന്റെ ഭാഗമായി സ്വന്തം മണ്ഡലത്തിലെത്തുന്ന യോഗി വെള്ളപ്പൊക്ക മേഖലകളും സന്ദര്‍ശിക്കും. ദുരന്തത്തിനിരയായ കുഞ്ഞുങ്ങളുടെ വീടുകളും ആദിത്യനാഥ് സന്ദര്‍ശിക്കുമെന്ന് ബി.ജെ.പി വക്താവ് സത്യേന്ദ്ര സത്യേന്ദ്ര സിന്‍ഹ പറഞ്ഞു.