മഞ്ചേരി: കാലിക്കറ്റ് സര്‍വകലാശാലയില്‍ നിന്നും അറബിക് സാഹിത്യത്തില്‍ ഡോക്ടറേറ്റഅ നേടിയ എസ്.കെ.എസ്.എസ്.എഫ് മുന്‍ സംസ്ഥാന കൗണ്‍സിലറും എസ്.വൈ.എസ് മഞ്ചേരി മണ്ഡലം കമ്മിറ്റി അംഗവുമായ പ്രൊഫ.  എം.കെ അബ്ദുല്‍ റഹീം കൊടശ്ശേരിയെ ഇന്ന് ആദരിക്കുന്നു. പെരിന്തല്‍മണ്ണ പി.ടി.എം ഗവ.കോളേജ് അസിസ്റ്റന്റ് പ്രൊഫസറാണ് റഹീം കൊടശ്ശേരി. പാണ്ടിക്കാട്  ദാറുല്‍ ഇര്‍ഫാന്‍ ഇസ്‌ലാമിക് അക്കാദമി ഉള്‍പ്പടെയുള്ള സ്ഥാപനങ്ങള്‍ക്കും നേതൃത്വം കൊടുക്കുന്ന ഹിമായത്തുസ്സുന്നിയ്യ സംഘത്തിന്റെ സെക്രട്ടറിയായ റഹീം മാസ്റ്റര്‍ക്ക് സ്ഥാപന മാനേജ്‌മെന്റും സഹ പ്രവര്‍ത്തകരുമാണ് അനുമോദന ചടങ്ങ് ഒരുക്കിയിരിക്കുന്നത്.
വൈകീട്ട് അഞ്ചിന് സയ്യിദ് അബ്ദുറഹ്മാന്‍ ഉണ്ണിക്കോയ തങ്ങളുടെ അധ്യക്ഷതയില്‍ പാണ്ടിക്കാട് മുബാറക് മഹലില്‍ നടക്കുന്ന അനുമോദന ചടങ്ങില്‍ സമസ്ത കേന്ദ്ര മുശാവറ അംഗം മൊയ്തീന്‍ കുട്ടി ഫൈസി വാക്കോട്, എസ്.വൈ.എസ് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ്, അഡ്വ. എം.ഉമ്മര്‍ എംഎല്‍എ, സയ്യിദ് ഫഖ്‌റുദ്ദീന്‍ തങ്ങള്‍, ഒ.ടി മൂസ മുസ്‌ലിയാര്‍, എം.കെ ഫൈസി കൊടശ്ശേരി, അഡ്വ.അബൂ സിദ്ദീഖ്  സംബന്ധിക്കും.