പട്‌ന: നിതീഷ് കുമാറിന്റെ നേതൃത്വത്തില്‍ ഒരു വിഭാഗം ജെ.ഡി.യു എന്‍.ഡി.എയില്‍ ചേര്‍ന്നാലും മഹാസഖ്യം തകരില്ലെന്ന് ശരദ് യാദവ്. അഞ്ചു വര്‍ഷത്തേക്കായാണു മഹാസഖ്യം രൂപീകരിച്ചത്. മഹാസഖ്യത്തിന്റെ നിലവിലെ അവസ്ഥയില്‍ ദുഃഖമുണ്ടെന്നും അദ്ദേഹം പറഞ്ഞു. ജനതാദള്‍ യുനൈറ്റഡ് രൂപീകരിക്കുന്നതില്‍ നിര്‍ണായക പങ്ക് വഹിച്ചത് താനാണ്. ഇപ്പോള്‍ തന്നോട് പുറത്തുപോകാനാണ് ആവശ്യപ്പെടുന്നത്.
ജെ.ഡി.യുവിന്റെ ദേശീയ എക്‌സിക്യൂട്ടിവ് യോഗത്തില്‍ പങ്കെടുക്കാന്‍ പോയിരുന്നെങ്കിലും തന്നെ പ്രവേശിപ്പിച്ചില്ലെന്നും യാദവ് കുറ്റപ്പെടുത്തി.