ബെയ്ജിങ്: നാലു പേരുടെ കൊലപാതകവുമായി ബന്ധപ്പെട്ട് ചൈനയിലെ വിഖ്യാതനായ ക്രൈം നോവലിസ്റ്റിനെ 22 വര്‍ഷങ്ങള്‍ക്കു ശേഷം പൊലിസ് അറസ്റ്റ് ചെയ്തു. 1995ല്‍ നടന്ന കൊലപാതകങ്ങളില്‍ പ്രതിയായ ലിയു യങ്ബിയാവോയാണ് അറസ്റ്റിലായത്. നിരവധി പുരസ്‌കാരങ്ങള്‍ നേടിയിട്ടുള്ള എഴുത്തുകാരനാണ് ഇദ്ദേഹം.

ഈ വര്‍ഷം ഹജ്ജിന് രണ്ടര ലക്ഷത്തിലധികം തീര്‍ഥാടകര്‍ അധികമെത്തും
ഇതുവരെയെത്തിയത് 6000 ലേറെ മലയാളി ഹാജിമാര്‍
സലാം കൂടരഞ്ഞി
മക്ക: ഈ വര്‍ഷം ഹജ്ജിനെത്തുക ചരിത്രത്തിലെ ഏറ്റവും കൂടുതല്‍ തീര്‍ഥാടകരായിരിക്കുമെന്നു സഊദി ഹജ്ജ് ഉംറ മന്ത്രാലായം പുറത്തിറക്കിയ കണക്കുകള്‍.
20 ലക്ഷം തീര്‍ഥാടകര്‍ക്ക് സുഗമമായി ആരാധനാ കര്‍മങ്ങള്‍ നിര്‍വഹിക്കാന്‍ ഉതകുന്ന രീതിയില്‍ ണ്ട സംവിധാനങ്ങള്‍ സജ്ജമാണെന്നും ഇതിനകം 10 ലക്ഷത്തിലധികം തീര്‍ഥാടകര്‍ പുണ്യ ഭൂമിയില്‍ എത്തി ചേര്‍ന്നിട്ടുണ്ടെണ്ടന്നും ഹജ്ജ്,ഉംറ മന്ത്രാലയ വൃത്തങ്ങള്‍ പറഞ്ഞു.
കഴിഞ്ഞ വര്‍ഷത്തെ അപേക്ഷിച്ച് ഇരുപതു ശതമാനം തീര്‍ഥാടകര്‍ ഇതിനകം എത്തിച്ചേര്‍ന്നിട്ടുണ്ടണ്ട്.
ഈ വര്‍ഷം വിദേശ രാജ്യങ്ങളില്‍ നിന്നും സ്വദേശങ്ങളില്‍ നിന്നുമായി പതിനെട്ട് ലക്ഷത്തിലധികം ഹാജിമാരാണ് എത്തുക. കഴിഞ്ഞ വര്‍ഷത്തെ അപേക്ഷിച്ച് വിദേശ രാജ്യങ്ങളില്‍ നിന്ന് ഈ വര്‍ഷം 2,64,000 ഹാജിമാര്‍ അധികമായയെത്തും.
കഴിഞ്ഞവര്‍ഷം 13,25,372 ഹാജിമാരാണ് വിദേശ രാജ്യങ്ങളില്‍ നിന്നെത്തിയത്. മക്ക ഹറം പള്ളിയുടെ വിപുലീകരണത്തെ തുടര്‍ന്ന് ഹാജിമാരുടെ എണ്ണം കുത്തനെ വെട്ടികുറയ്ക്കുകയായിരുന്നു.
ഇതേ തുടര്‍ന്ന് ഏറ്റവും കുറവ് തീര്‍ഥാടകരാണ് കഴിഞ്ഞ വര്‍ഷം എത്തിയിരുന്നത്. ഹറം പള്ളിയുടെ നിലവിലെ പദ്ധതികള്‍ ഏകദേശം പൂര്‍ത്തിയായതിനെ തുടര്‍ന്ന് വിദേശ രാജ്യങ്ങളില്‍ നിന്നുള്ള വെട്ടിക്കുറച്ച തീര്‍ഥാടകരുടെ ക്വാട്ട പുനഃസ്ഥാപിക്കുകയായിരുന്നു. മൂന്ന് ലക്ഷത്തോളം ആളുകള്‍ സ്വദേശത്തു നിന്ന് എത്തിച്ചേരും.
മക്കയിലെത്തിയ ഇന്ത്യന്‍ തീര്‍ഥാടകരുടെ എണ്ണം ഒരു ലക്ഷം ആയി. ആറായിരത്തോളം മലയാളി ഹാജിമാരും പുണ്യ ഭൂമിയില്‍ എത്തിച്ചേര്‍ന്നു. ഹാജിമാര്‍ക്ക് ആവശ്യമായ വിവരങ്ങള്‍ നല്‍കുന്നതിന് വിപുലമായ സംവിധാനങ്ങളും ഹറം അധികൃതര്‍ ഒരുക്കിയിട്ടുണ്ടണ്ട്.