മെലൗയിയ(മൊറോക്കോ): സ്‌പെയിനിലെ കാംബ്രിലില്‍സില്‍ നടന്ന രണ്ടാമത്തെ ഭീകരാക്രമണത്തില്‍ കൊല്ലപ്പെട്ട 17 കാരനായ മൂസാ ഔ കാബിറിന് ഭീകരബന്ധമുള്ളതായി അറിയില്ലെന്ന് പിതാവ്.
ഞെട്ടലോടെയാണ് മകനെ കുറിച്ചുള്ള വാര്‍ത്തയറിഞ്ഞതെന്നും സമപ്രായക്കാരെ പോലുള്ള ജീവിതമായിരുന്നു അവനെന്നും പിതാവ് ഔ കാബിര്‍ പറഞ്ഞു. സംശയിക്കേണ്ടതായി അവന്റെ പെരുമാറ്റത്തില്‍ ഒന്നുമുണ്ടായിരുന്നില്ല.
മൊറോക്കോയിലെ അറ്റ്‌ലസ് പര്‍വതനിരയിലെ ദരിദ്രഗ്രാമമായ മെലൗയിയിലാണ് ഇയാളുടെ വീട്. മധ്യ മൊറോക്കോയിലാണിത്. സ്പാനിഷ് പൊലിസ് സ്‌പെയിനിലുള്ള ഭാര്യയെ വിളിച്ചാണ് മകന്‍ കൊല്ലപ്പെട്ടതായി അറിയിച്ചതെന്ന് അദ്ദേഹം വാര്‍ത്താ ഏജന്‍സിയോട് പറഞ്ഞു.
ഔ കാബിറിന്റെ സഹോദരനെയും പൊലിസ് കസ്റ്റയിലെടുത്തിരുന്നു. 27 കാരനായ ഇദ്‌രിസ് ആണ് കസ്്റ്റഡിയിലുള്ളത്.