പേരാമ്പ്ര:പ്രശസ്ത കഥാകൃത്ത് പി .സുരേന്ദ്രന്റെ കഥ 'അമ്മമ്മ'യില്‍ നിന്ന് പ്രചോദനമുള്‍ക്കൊണ്ട് നൊച്ചാട് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികള്‍ 50 വീടുകളിലെ വയോജനങ്ങള്‍ക്ക് സ്‌നേഹോപഹാരം നല്‍കി.
വിദ്യാര്‍ഥികളുടെ ഗ്രൂപ്പായ 'സ് പാര്‍ക്ക്'ആണ് എട്ടാം ക്ലാസിലെ പാഠഭാഗത്തെ യാഥാര്‍ഥ്യമാക്കി ഉപഹാരം നല്‍കി പ്രശംസ നേടിയത്. ഊന്നുവടി, സാരി, തോര്‍ത്തുമുണ്ട് തുടങ്ങിയവ വാങ്ങി വിവിധ വീടുകളില്‍ എത്തിച്ചു.
കുട്ടികളുടെ സ്‌നേഹോപഹാരം സ്വീകരിച്ചവര്‍ വിദ്യാര്‍ഥികളെ അനുഗ്രഹിച്ചു. സ്‌നേഹോപഹാര സമര്‍പ്പണം പി. ടി .എ പ്രസിഡന്റ് സി.കെ അശോകന്‍ ഉദ്ഘാടനം ചെയ്തു.
പ്രധാനാധ്യാപിക പി. വാസന്തി അധ്യക്ഷയായി. സ്പാര്‍ക്ക് കോഡിനേറ്റര്‍മാരായ വി.എം അഷ്‌റഫ്, കെ. എം നസീര്‍ എന്നിവര്‍ പദ്ധതി വിശദീകരിച്ചു. കീര്‍ത്തന പ്രകാശ്, ശിവാനി എസ്, അതുല്‍ ദേവ് ,അഫിയ റൈഹാന്‍, അവ്‌നി മനോജ്, അംന അബുബക്കര്‍, വിഷ്ണു സംസാരിച്ചു.