വളാഞ്ചേരി: ടൗണിലെ അനധികൃത പാര്‍ക്കിങ് നിരോധിക്കുക, അശാസ്ത്രീയമായ സിഗ്നല്‍ സംവിധാനം നിര്‍ത്തലാക്കുക എന്നീ ആവശ്യങ്ങളുന്നയിച്ച് വളാഞ്ചേരി മേഖല സംയുക്ത ബസ് തൊഴിലാളി യൂനിയന്റെ ആഭിമുഖ്യത്തില്‍ ഇന്ന് സൂചനാപണിമുടക്ക് ആചരിക്കും. ഇതനുസരിച്ച് വളാഞ്ചേരി ബസ് സ്റ്റാന്റ് കേന്ദ്രീകരിച്ച് സര്‍വീസ് നടത്തുന്ന എല്ലാസ്വകാര്യ ബസുകളും സര്‍വീസ് നിര്‍ത്തിവെച്ച് പണിമുടക്കില്‍ പങ്കെടുക്കും.
ദീര്‍ഘദൂര സര്‍വീസ് നടത്തുന്ന സ്വകാര്യബസുകളും വളാഞ്ചേരിയില്‍ വരാതെ വഴിതിരിച്ചുവിടും. അധികൃതരുടെ ഭാഗത്തുനിന്നു അനുകൂല തീരുമാനമുണ്ടായില്ലങ്കില്‍ 16 ന് ശേഷം അനിശ്ചിതകാല പണിമുടക്ക് നടത്തുമെന്ന് ഭാരവാഹികള്‍ പറഞ്ഞു.