കുമ്പള: പഞ്ചായത്തിന്റെ അധീനതയിലുള്ള സ്ഥലത്തു നിന്നു പ്ലാവ് മരം മുറിച്ചു കടത്താന്‍ ശ്രമം. ഇതു സംബന്ധിച്ചു പഞ്ചായത്തു പ്രസിഡന്റ് ഷാഹുല്‍ ഹമീദ് മഞ്ചേശ്വരം പൊലിസില്‍ പരാതി നല്‍കി. മംഗല്‍പാടി പഞ്ചായത്തില്‍ ബേക്കൂര്‍ മന്തറയിലെ പഞ്ചായത്ത് വളപ്പില്‍ നിന്നു രണ്ടു ലക്ഷത്തിലധികം രൂപ വില വരുന്ന പ്ലാവ് മുറിച്ചു കടത്താനുള്ള ശ്രമം നാട്ടുകാര്‍ പ്രസിഡന്റിനെ അറിയിക്കുകയായിരുന്നു.ഇന്നലെ പുലര്‍ച്ചെയാണു സംഭവം. പ്രസിഡന്റും സംഘവും സ്ഥലത്തെത്തുമ്പോഴേക്കും മോഷണ സംഘം കടന്നു കളഞ്ഞിരുന്നു.