കട്ടപ്പന: ഇടുക്കി കട്ടപ്പനയില്‍ 20 കോടിയുടെ ഹാഷിഷ് ഓയിലുമായി ശിവസേന നേതാവ് പൊലിസ് പിടിയില്‍. അഭിഭാഷകനും ശിവസേന നേതാവുമുള്‍പ്പെടെ മൂന്നു പേരെയാണ് പൊലിസ് കസ്റ്റഡിയിലെടുത്തത്.

ഇന്നു പുലര്‍ച്ചെയാണ് 17.5 കിലോഗ്രാം ഹാഷിഷുമായി സംഘത്തെ പിടികൂടിയത്. ഇടുക്കി എസ്.പിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികളെ പിടികൂടിയത്. സംഭവത്തില്‍ കൂടുതല്‍ പേര്‍ ഉള്‍പ്പെട്ടിണ്ടോ എന്ന് അന്വേഷിക്കുകയാണെന്ന് പൊലിസ് പറഞ്ഞു.