ന്യൂഡല്‍ഹി: ജെ.ഡി.യു നേതൃസ്ഥാനത്തെ പറ്റിയുള്ള തര്‍ക്കങ്ങള്‍ മുറുകുന്നതിനിടെ നിതീഷ് കുമാറാണ് പാര്‍ട്ടിയുടെ യഥാര്‍ത്ഥ നേതാവെന്ന അവകാശ വാദവുമായി ബി.ജെ.പി. നിതീഷ് കുമാറാണ് നേതാവെന്നും ശരത് യാദവിന് പ്രത്യകിച്ച് പാര്‍ട്ടിയില്‍ പ്രത്യേക സ്ഥാനമൊന്നുമില്ലെന്നും ബി.ജെ.പി വക്താവ് ജി.വി.എല്‍ നരസിംഹ റാവു പറഞ്ഞു.

പ്രശ്‌നം ജെ.ഡിയുവിനുള്ളിലുള്ളതാണ്. അതില്‍ ബി.ജെ.പിക്കൊന്നും ചെയ്യാനില്ല. എന്നാല്‍ പാര്‍ട്ടിയുടെ യഥാര്‍ത്ഥ നേതാവ് നിതീഷ്‌കുമാറാണ്- ജി.വി.എല്‍ നരസിംഹ റാവു പറഞ്ഞു.

സ്ത്രീകള്‍ക്കെതിരായ മോശം പരാമര്‍ശത്തിലൂടെയാണ് ശരത് യാദവ് ഓര്‍മിക്കപ്പെടുന്നത്. നിതീഷ് കുമാറിനെ വെല്ലുവിളിക്കാന്‍ മാത്രം ശക്തിയൊന്നും ശരത് യാദവിനില്ലെന്നും ജി.വി.എല്‍ പരിഹസിച്ചു.