കൊടുങ്ങല്ലൂര്‍: ശ്രീനാരായണപുരം പടിഞ്ഞാറെ വെമ്പല്ലൂരില്‍ കനത്ത മഴയില്‍ വൈദ്യുതി തൂണുകളും മരങ്ങളും കടപുഴകി വീണു.
പടിഞ്ഞാറെ വെമ്പല്ലൂര്‍ അമ്പലനട മുള്ളന്‍ബസാര്‍ റോഡിലാണ് അപകടം. വെള്ളിയാഴ്ച്ച രാത്രി പത്തോടെയായിരുന്നു സംഭവം.
ശക്തമായ മഴയില്‍ റോഡരികിലെ നാല് വൈദ്യുതി തൂണുകളും തെങ്ങ്, മാവ് എന്നിവയും നിലംപതിച്ചു.
വൈദ്യുതി ലൈനുകള്‍ പൊട്ടിവീണതിനെ തുടര്‍ന്ന് ഇതുവഴിയുള്ള ഗതാഗതം തടസപ്പെട്ടു.
വൈദ്യുതി തൂണുകള്‍ ഒടിഞ്ഞു വീണയുടനെ വൈദ്യുതി വിതരണം നിലച്ചതിനാല്‍ വന്‍ അപകടം ഒഴിവായി. കെ.എസ്.ഇ.ബിയുടെ 11 കെ.വി ലൈനും ലോ ടെന്‍ഷന്‍ ലൈനുമാണ് മഴയെ തുടര്‍ന്ന് പൊട്ടിവീണത്.