മുക്കം: ഹിരോഷിമ, നാഗസാക്കി ദിനാചരണത്തിന്റെ ഭാഗമായി വിവിധ വിദ്യാലയങ്ങളുടെ നേതൃത്വത്തില്‍ യുദ്ധവിരുദ്ധ റാലി, മനുഷ്യചങ്ങല,യുദ്ധവിരുദ്ധ പോസ്റ്റര്‍ പ്രദര്‍ശനം തുടങ്ങിയ പരിപാടികള്‍ നടന്നു.
  ജെ.ആര്‍.സി മുക്കം ഉപജില്ല കമ്മിറ്റി മുക്കം ടൗണില്‍ യുദ്ധവിരുദ്ധ റാലിയും പൊതുസമ്മേളനവും നടത്തി. സമ്മേളനം മുക്കം നഗരസഭ ചെയര്‍മാന്‍ വി.കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. നഗരസഭ കൗണ്‍സിലര്‍ മുക്കം വിജയന്‍ അധ്യക്ഷത വഹിച്ചു.ഗര്‍വാസിസ് വട്ടുകളം, ശശി വെണ്ണക്കോട് പ്രസംഗിച്ചു.
മണാശ്ശേരി എം.കെ.എച്ച്.എം.എം.ഒ ഹയര്‍ സെക്കന്‍ഡറി സ്‌കൂളില്‍ നടന്ന പരിപാടി നഗരസഭ കൗണ്‍സിലര്‍ ഗഫൂര്‍ ഉദ്ഘാടനം ചെയ്തു. പ്രധാനാധ്യാപകന്‍ എം.പി ജാഫര്‍ അധ്യക്ഷത വഹിച്ചു.സ്‌കൂള്‍ ലീഡര്‍ സാബിര്‍, സിദ്ധാര്‍ത്ഥ് ,സജിന്‍ റോഷന്‍, എ.കെ ജാഫര്‍, നിസാര്‍ ഹസ്സന്‍ സംസാരിച്ചു.
തിരുവമ്പാടി സേക്രഡ് ഹാര്‍ട്ട് യു.പി സ്‌കൂള്‍ വിദ്യാര്‍ഥികള്‍ തിരുവമ്പാടിയില്‍ മനുഷ്യചങ്ങല തീര്‍ത്തു. സഡാക്കോ കൊക്കുകളെ പറത്തി ടൗണില്‍ പ്രകടനമായെത്തിയാണ് മനുഷ്യചങ്ങല തീര്‍ത്തത്. അഗസ്റ്റിന്‍ മഠത്തിപറമ്പില്‍, സാബു പാറങ്കല്‍ ,റോയി മുരിക്കോലില്‍, അഞ്ചല്‍ മരിയ സംസാരിച്ചു.  കൊളാഷ് പ്രദര്‍ശനം, സഡാക്കോ കൊക്ക് നിര്‍മ്മാണം, പ്ലക്കാര്‍ഡ് നിര്‍മ്മാണം എന്നിവയിലെ വിജയികള്‍ക്ക് സമ്മാനം വിതരണം ചെയ്തു.
ഒയിസ്‌ക ഇന്റര്‍നാഷണല്‍ മുക്കം ചാപ്റ്റര്‍ പ്രബന്ധരചനാ മത്സരം, ചിത്രരചനാ മത്സരം സംഘടിപ്പിച്ചു.ഒയിസ്‌ക പ്രസിഡന്റ് ബെന്നി ജോസിന്റെ അധ്യക്ഷതയില്‍ നടന്ന ചടങ്ങില്‍ സുരേഷ് മാമ്പറ്റ ,ബഷീര്‍ ചാലില്‍, ഡോ; സി.ജെ തിലക് സംസാരിച്ചു. വിജയികള്‍ക്ക് നഗരസഭാ ചെയര്‍മാന്‍ വി.കുഞ്ഞന്‍ മാസ്റ്റര്‍ സമ്മാനങ്ങള്‍ വിതരണം ചെയ്തു.
കാരമൂല കുമാരനെല്ലൂര്‍ ആസാദ് മെമ്മോറിയല്‍ യു.പി സ്‌കൂളില്‍ ജെ.ആര്‍.സിയുടെ നേതൃത്വത്തില്‍ യുദ്ധവിരുദ്ധ റാലിയും,സയന്‍സ് ക്ലബ്ബിന്റെ നേതൃത്വത്തില്‍ യുദ്ധവിരുദ്ധ സന്ദേശം നല്‍കുന്ന സ്‌കിറ്റും, സാമൂഹ്യ ശാസ്ത്രം ക്ലബ്ബിന്റെ നേതൃത്വത്തില്‍ കൊളാഷ് മത്സരവും നടത്തി. കുട്ടികള്‍ക്ക് യുദ്ധ വിരുദ്ധ പ്രതിജ്ഞ ചൊല്ലിക്കൊടുത്തു.
പരിപാടികള്‍ക്ക് പ്രധാധ്യാപിക ഷൈന ,ഹാരിസ് , ജെമി ജെയിംസ് എന്നിവര്‍ നേതൃത്വം നല്‍കി.മുക്കം മുസ്‌ലിം ഓര്‍ഫനേജ് ഹൈസ്‌കൂളില്‍ നടന്ന ഹിരോഷിമ  നാഗസാക്കി ദിനം പി.അബ്ദു മാസ്റ്റര്‍ ഉദ്ഘാടനം ചെയ്തു.കെ.എം.എ റഷീദ് അധ്യക്ഷനായി .