തേഞ്ഞിപ്പലം: ചേറക്കോട് അങ്ങാടിയില്‍ റോഡിനോട് ചേര്‍ന്നുള്ള തോട്ടിലെ മാവ് അപകടഭീഷണി ഉയര്‍ത്തുന്നു. ഏതു നിമിഷവും നിലംപൊത്താറായ നിലയിലാണ് മാവിന്റെ നില്‍പ്. മാവ് തോട്ടിലുള്ളത് കാരണം മഴവെള്ളം ഒഴുകിപോകാനും തടസമുണ്ട്. തോട്ടിലൂടെ ഒഴുകിവരുന്ന മഴവെള്ളം പലപ്പോഴും ദിശമാറി സമീപത്തെ കടയുടെ വരാന്തയിലൂടെ ഒഴുകുന്നു. മരത്തിന്റെ കൊമ്പുകള്‍ ഉണങ്ങി വീണ് അപകടങ്ങളും ഉണ്ടായിട്ടുണ്ട്. മാവ് തോട്ടില്‍ നിലയുറപ്പിച്ചതു മൂലം മഴവെള്ളം ഒഴുകിപോകാന്‍ വേറെ വഴിയില്ലാത്തത് റോഡിന്റെ അരികിടിയാനും ഇടയാക്കുന്നു. അഭകടഭീഷണിയുള്ള ഈ മരം മുറിച്ചുമാറ്റണമെന്ന് പരിസരവാസികള്‍ ആവശ്യപ്പെട്ടു.