കൊണ്ടോട്ടി: ദേശീയ രാഷ്ട്രീയത്തെ കുറിച്ച് മേച്ചേരി വര്‍ഷങ്ങള്‍ക്ക് മുന്‍പ് എഴുതിയ ലേഖനങ്ങള്‍ ഇന്ന് കാലിക പ്രസക്തി വര്‍ധിച്ചിരിക്കുകയാണന്ന് ഡോ.എം.കെ മുനീര്‍ എം.എല്‍.എ പറഞ്ഞു. പത്രാധിപര്‍ റഹീം മേച്ചേരിയുടെ പതിമൂന്നാം ചരമ വര്‍ഷത്തില്‍ കൊണ്ടോട്ടി മേച്ചേരി അനുസ്മരണ സമിതി ഒരുക്കിയ റഹീം മേച്ചേരി അനുസ്മരണ ചടങ്ങ് ഉദ്ഘാടനംചെയ്യുകയായിരുന്നു അദ്ദേഹം.
കൊണ്ടോട്ടി സീതിഹാജി സ്മാരക ഓഡിറ്റോറിയത്തില്‍ നടന്ന ചടങ്ങില്‍ വര്‍ത്തമാന ഇന്ത്യയിലെ മാധ്യമ നൈതികത വിഷയത്തില്‍ കേരള മീഡിയ അക്കാദമി മുന്‍ ചെയര്‍മാന്‍ എന്‍.പി രാജേന്ദ്രന്‍ സ്മാരകപ്രഭാഷണംനടത്തി.
ടി.വി ഇബ്രാഹീം എം.എല്‍.എ, സി.പി സൈതലവി, പി.എ റഷീദ്, എ.പി ഇബ്രാഹീം മുഹമ്മദ് അനുസ്മരണ പ്രഭാഷണം നടത്തി.
അഷ്‌റഫ് മടാന്‍ അധ്യക്ഷനായി. പി.വി മുഹമ്മദ് അരീക്കോട്, പി.എ ജബ്ബാര്‍ ഹാജി, കിളിനാടന്‍ ഉണ്ണീന്‍ക്കുട്ടി, പി.കെ.സി അബ്ദുറഹ്മാന്‍, നസീം പുളിക്കല്‍, പി.മോയുട്ടി മൗലവി, അഷ്‌റഫ് തങ്ങള്‍, അബ്ദുല്‍ ഖാദര്‍ സംസാരിച്ചു.