പട്ടാമ്പി: വല്ലപ്പുഴ ദാറുന്നജാത്ത് വിദ്യാര്‍ഥി കൂട്ടായ്മ നാദിയ സംഘടിപ്പിക്കുന്ന സംസ്ഥാന തല ചാംപ്യന്‍ഷിപ്പ് ഹിപ്പോ കാംപസ് സ്റ്റേറ്റ് ചാംപ്യന്റെ ലീഡേര്‍സ് സമ്മിറ്റ് സമാപിച്ചു. വിദ്യാര്‍ഥികള്‍ വ്യക്തിത്വ ജീവിതത്തില്‍ നന്മയുടെ പ്രചാരകരാവണമെന്ന് മഹാത്മാ ഗാന്ധി യൂനിവേസിറ്റി സി.എച്ച്. ചെയര്‍ മേധാവി ഡോ. സുബൈര്‍ ഹുദവി അഭിപ്രായപ്പെട്ടു. സംസ്ഥാനത്തെ വിവിധ ഭാഗങ്ങളില്‍ നിന്നെത്തിയ വിദ്യാര്‍ഥി നേതാക്കളോട്് സംവദിക്കുകയായിരുന്നു അദ്ദേഹം.
സമസ്ത കേന്ദ്ര മുശാവറാംഗവും ദാറുന്നജാത്ത് പ്രിന്‍സിപ്പലുമായ കെ.പി.സി തങ്ങള്‍ ഫൈസി ഉദ്ഘാടനം ചെയ്തു. ഹിപ്പോകാമ്പസ് പ്രോഗ്രാം ഇന്‍ട്രൊഡക്ഷന്‍ മുഹ്‌സിന്‍ മണ്ണാര്‍ക്കാട് നടത്തി. വിദ്യാര്‍ഥി നേതാക്കള്‍ക്കായി സംഘടിപ്പിച്ച മോട്ടിവേഷന്‍ ക്ലാസിന് സി.ജി കോര്‍ റിസോഴ്‌സ് പേഴ്‌സണ്‍ എ.പി നിസാം നേതൃത്വം നല്‍കി. പരിപാടിയില്‍ ശമീര്‍ ഹുദവി മേല്‍മുറി, നിസാം ഹുദവി കൊപ്പം, കബീര്‍ അന്‍വരി സംസാരിച്ചു. ആബിദ് തങ്ങള്‍ ഹുദവി, ഹാഷിം തങ്ങള്‍ ഹുദവി, നസ്‌റത്ത് അമീന്‍ ഹുദവി സംബന്ധിച്ചു. സഈദ് ഹുദവി വല്ലപ്പുഴ നന്ദി പറഞ്ഞു.