എരുമപ്പെട്ടി: സമസ്ത കേരള ജംഇയ്യത്തുല്‍ മുഅല്ലിമീന്‍ എരുമപ്പെട്ടി റെയ്ഞ്ച് സില്‍വര്‍ ജൂബിലി സ്വാഗതസംഘത്തിന്റെ ആഭിമുഖ്യത്തില്‍ മദ്രസ്സ മാനേജ്‌മെന്റ് പഠനക്ലാസ് നടത്തി. പന്നിത്തടം ലിവാഉല്‍ ഇസ്ലാം മദ്‌റസയില്‍ നടന്ന ചടങ്ങില്‍ സ്വാഗതസംഘം ചെയര്‍മാന്‍ സിംലഹസന്‍ അധ്യക്ഷത വഹിച്ചു. മുഫത്തിശ് ഫള്‌ലുറഹ്മാന്‍ ഫൈസി ഉദ്ഘാടനം ചെയ്തു. പഠനക്ലാസിന് സമസ്ത ജംഇയ്യത്തുല്‍ മുഫത്തിശീന്‍ സംസ്ഥാന ജനറല്‍ സെക്രട്ടറി കെ എച്ച്. കോട്ടപ്പുഴ നേതൃത്വം നല്‍കി. എരുമപ്പെട്ടി റെയ്ഞ്ച് പ്രസിഡന്റ് മുഹമ്മദലിലത്വീഫി,റെയ്ഞ്ച് മുദരിബ് ഷെമീര്‍ അന്‍വരി, പ്രോഗ്രാം കമ്മിറ്റി കണ്‍വീനര്‍ എം എച്ച് നൗഷാദ് തുടങ്ങിയവര്‍ സംസാരിച്ചു. സയ്യിദ് ഹബീബ് കോയ തങ്ങള്‍ പ്രാര്‍ത്ഥന നടത്തി. ജനറല്‍ കണ്‍വീനര്‍ എസ് പി ഉമ്മര്‍ സ്വാഗതവും റെയ്ഞ്ച് മാനേജ്‌മെന്റ് സെക്രട്ടറി വി എസ് അബൂബക്കര്‍ നന്ദിയും പറഞ്ഞു. റെയ്ഞ്ചിലെ 29 മദ്‌റസകളില്‍ നിന്നായി നൂറ്റിയമ്പതോളം പ്രതിനിധികള്‍ പങ്കെടുത്തു.