വാടാനപ്പള്ളി : മുസ്‌ലിം ലീഗ് വാടാനപ്പള്ളി പഞ്ചായത്ത് കമ്മിറ്റിയുടെ നേതൃത്വത്തില്‍ ശിഹാബ് തങ്ങള്‍ അനുസ്മരണവും പുരസ്‌കാരവിതരണവും നടത്തി. വാടാനപ്പള്ളി എം.എം ഹനീഫ സ്മാരക നിലയത്തില്‍ നടന്ന ചടങ്ങ് മുസ്‌ലിം ലീഗ് മണലൂര്‍ നിയോജകമണ്ഡലം പ്രസിഡന്റ് ആര്‍.എം അബ്ദുള്‍ മനാഫ് ഉദ്ഘാടനം ചെയ്തു. പഞ്ചായത്ത് മുസ്‌ലിം ലീഗ് പ്രസിഡന്റ് മുഹമ്മദ് മോണ്‍ ഹാജി അധ്യക്ഷനായി. ചടങ്ങില്‍ അമ്പത് വര്‍ഷം പ്രവാസജീവിതം നയിക്കുന്ന ജീവകാരുണ്യ പൊതു പ്രവര്‍ത്തകനായ എം.എം ദാവൂദ് ഹാജിയേയും വാടാനപ്പള്ളി റൈഞ്ചില്‍ നിന്നും മദ്രസകളില്‍നിന്നും ഒന്നും രണ്ടും സ്ഥാനം നേടി മികച്ച വിജയം നേടിയ വിദ്യാര്‍ഥികള്‍ക്കും പുരസ്‌കാരം നല്‍കി. വാടാനപ്പള്ളി ഉമര്‍ഖാളി ഇസ്്‌ലാമിക് അക്കാദമി പ്രിന്‍സിപ്പാള്‍ അഷറഫ് ഹുദവി കോട്ടോള്‍ ശിഹാബ് തങ്ങള്‍ അനുസ്മരണ പ്രഭാഷണം നടത്തി. പി.എ സുലൈമാന്‍ , നിസാം വാടാനപ്പള്ളി , എം.എം ദാവൂദ് ഹാജി സംസാരിച്ചു.