കരൂപ്പടന്ന: സ്വകാര്യ സ്‌കൂളുകളേക്കാള്‍ മികച്ച നിലവാരത്തില്‍ സര്‍ക്കാര്‍ സ്‌കൂളുകള്‍ എത്തിയെന്ന് ഇന്നസെന്റ് എം.പി പറഞ്ഞു. സര്‍ക്കാര്‍ സ്‌കൂളുകളുടെ വികസനത്തിന് സംസ്ഥാന സര്‍ക്കാര്‍ മുന്‍ഗണന നല്‍കുന്നുണ്ടെന്നും അദ്ദേഹം പറഞ്ഞു. കരൂപ്പടന്ന ഗവ. ഹയര്‍ സെക്കന്‍ഡറി സ്‌കൂളില്‍ എം.പി യുടെ പ്രാദേശിക വികസന ഫണ്ടില്‍ നിന്നും അനുവദിച്ച സ്മാര്‍ട്ട് ക്ലാസ് റൂമും വിജയോല്‍സവവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഹയര്‍ സെക്കന്‍ഡറി പ്രിന്‍സിപ്പാള്‍ ടി.കെ ജമീല, പ്രധാനാധ്യാപികമാരായ എ.എ ലാലി, പി.കെ സീനത്ത്, പി.ടി.എ പ്രസിഡണ്ടുമാരായ എം.എം അബ്ദുല്‍ നിസാര്‍, അഹമ്മദ് ഫസലുള്ള, പി.കെ.എം അഷറഫ് സംസാരിച്ചു. എസ്.എസ്.എല്‍.സി പരീക്ഷയില്‍ നൂറു ശതമാനം വിജയം കൈവരിച്ച സ്‌കൂളിലെ മുഴുവന്‍ വിജയികള്‍ക്കും എം.പി ഉപഹാരം നല്‍കി. പ്ലസ് ടു പരീക്ഷയില്‍ ഉന്നത വിജയം നേടിയവര്‍ക്കും ഉപഹാരങ്ങള്‍ നല്‍കി.