ബാലരാമപുരം: ബാലരാമപുരം സര്‍വിസ് സഹകരണ ബാങ്ക് പുന്നക്കാട് ബ്രാഞ്ചിന്റെ ഉദ്ഘാടനം കഴിഞ്ഞദിവസം വൈകിട്ട് പുന്നയ്ക്കാട് ജങ്ഷനില്‍ മന്ത്രി കടകംപളളി സുരേന്ദ്രന്‍ നിര്‍വഹിച്ചു. ബാങ്ക് പ്രസിഡന്റ് അഡ്വ.എ.പ്രതാപചന്ദ്രന്‍ അധ്യക്ഷനായ ചടങ്ങില്‍ സെക്രട്ടറി ജാഫര്‍ഖാന്‍ റിപ്പോര്‍ട്ട് അവതരിപ്പിച്ചു. ആംബുലന്‍സ് സര്‍വിസിന്റെ ഉദ്ഘാടനം സി.പി.എം ജില്ലാ സെക്രട്ടറി ആനാവൂര്‍ നാഗപ്പന്‍ നിര്‍വഹിച്ചു. സംസ്ഥാന സഹകരണ യൂണിയര്‍ അഡ്മിനിസ്‌ട്രേറ്റീവ് കമ്മിറ്റി കണ്‍വീനര്‍ കോലിയക്കോട് കൃഷ്ണന്‍നായര്‍ ആദ്യ നിക്ഷേപം സ്വീകരിച്ചു.
സി.പി.ഐ ജില്ലാ സെക്രട്ടറി ജി.ആര്‍ അനില്‍ മാതൃകാ കര്‍ഷകര്‍ക്കുള്ള ഗ്രീന്‍ കാര്‍ഡുകള്‍ വിതരണം ചെയ്തു. മുന്‍ എം.എല്‍.എമാരായ ജമീലാപ്രകാശം, വെങ്ങാനൂര്‍ പി.ഭാസ്‌ക്കരന്‍, ബാലരാമപുരം പഞ്ചായത്ത് പ്രസിഡന്റ് വസന്തകുമാരി, ജോയിന്റ് രജിസ്ട്രാര്‍ ടി.ചന്ദ്രന്‍, തിരുവല്ലം ശിവരാജന്‍ തുടങ്ങിയവര്‍ പങ്കെടുത്തു. അഡ്വ.ഡി.സുരേഷ്‌കുമാര്‍ സ്വാഗതവും രജിത്കുമാര്‍ നന്ദിയും രേഖപ്പെടുത്തി.