തിരുവനന്തപുരം: കാര്‍ത്തിക തിരുനാള്‍ ഗവ.വൊക്കേഷണല്‍ ഹയര്‍സെക്കന്ററി സ്‌കൂളിന്റെ പ്ലാറ്റിനം ജൂബിലി ആഘോഷം ഈ മാസം 12-ന് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. രാവിലെ 9.30-ന് പുത്തരിക്കണ്ടത്തുനിന്നും സ്‌കൂള്‍ അങ്കണത്തിലേക്ക് നടക്കുന്ന ഘോഷയാത്രയോടെ പരിപാടികള്‍ക്ക് തുടക്കം കുറിക്കും. 10.30-ന് സ്‌കൂള്‍ കുട്ടികളുടെ വിവിധ കലാപരിപാടികളും നടക്കും. ഉച്ചക്ക് രണ്ട് മണിക്ക് നടക്കുന്ന ഉദ്ഘാടന സമ്മേളനം വൈദ്യുതി മന്ത്രി കടകംപള്ളി സുരേന്ദ്രന്‍ നിര്‍വ്വഹിക്കും. വി.എസ്.ശിവകുമാര്‍ എം.എല്‍.എ അധ്യക്ഷനാകും.ഹയര്‍സെക്കന്ററി വിഭാഗം  പ്രിന്‍സിപ്പാള്‍  എം.ആര്‍.സതീഷ് ചന്ദ്രന്‍ സ്വാഗതം ആശംസിക്കും.
സ്‌കൂള്‍ വെബ്‌സൈറ്റിന്റെ ഉദ്ഘാടനം ഒ.രാജഗോപാല്‍ എം.എല്‍.എ നിര്‍വ്വഹിക്കും. നഗരസഭ മേയര്‍ വി.കെ.പ്രശാന്ത്, എം.പി.ശശിതരൂര്‍, കൗണ്‍സിലര്‍ ആര്‍.മിനി, പി.ടി.എ പ്രസിഡന്റ് ആര്‍.രാജുകുമാര്‍, വി.എച്ച്.എസ്.എസ് പ്രിന്‍സിപ്പല്‍ ജോട്ടില ജോയ്‌സ്, ഹെഡ്മാസ്റ്റര്‍ എസ്.രാജേന്ദ്രന്‍ എന്നിവര്‍  സംസാരിക്കും. പ്രോഗ്രാം കമ്മിറ്റി ചെയര്‍മാന്‍ അഡ്വ.എസ്.എ.സുന്ദര്‍ നന്ദിയും രേഖപ്പെടുത്തും. പി.ടി.എ പ്രസിഡന്റ് ആര്‍.രാജുകുമാര്‍, വി.എച്ച്.എസ്.എസ് പ്രിന്‍സിപ്പല്‍ ജോട്ടില ജോയ്‌സ്, ഹെഡ്മാസ്റ്റര്‍ എസ്.രാജേന്ദ്രന്‍, ഹയര്‍സെക്കന്ററി വിഭാഗം പ്രിന്‍സിപ്പാളും ജനറല്‍ കണ്‍വീനറുമായ എം.ആര്‍.സതീഷ് ചന്ദ്രന്‍, സ്റ്റാഫ് സെക്രട്ടറി എം.അജയദേവ് എന്നിവരും വാര്‍ത്താസമ്മേളനത്തില്‍ പങ്കെടുത്തു.