ശ്രീകൃഷ്ണുരം: കടമ്പഴിപ്പുറം സി.എച്ച്.സിയെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ തുടക്കമിട്ടു കൊണ്ട് പ്രഥമ ശില്‍പശാല സംഘടിപ്പിച്ചു. ബ്ലോക്ക് പ്രസിഡന്റ് പി .അരവിന്ദാക്ഷന്‍ ഉദ്ഘാടനം നിര്‍വഹിച്ചു.
കടമ്പഴിപ്പുറം ഗ്രാമപഞ്ചായത്ത് പ്രസിഡന്റ് കെ. അംബുജാക്ഷി അധ്യക്ഷയായി. ജ്യോതിവാസന്‍, കെ. ശാന്തകുമാരി, പി.എം. നാരായണന്‍, ടി. രാമചന്ദ്രന്‍ മാസ്റ്റര്‍, ഉഷ നാരായണന്‍, ബിന്ദു ഉണ്ണികൃഷ്ണന്‍, ഡോ. ദീപക് ഗോപിനാഥ്, ടി.എസ്. സുബ്രഹ്മണ്യന്‍ സംസാരിച്ചു. കില ഫാക്കല്‍റ്റി അംഗം ഹാഷിം കോഴിക്കോട് ക്ലാസെടുത്തു.
കേരളത്തില്‍ ഇതാദ്യമായാണ് ഒരു സാമൂഹികാരോഗ്യ കേന്ദ്രത്തെ അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള പരിശ്രമം നടക്കുന്നത്. ഇതിന്റെ ഭാഗമായി ജൂലൈ അവസാന വാരത്തില്‍ കൊട്ടരക്കര കില എസ്.ഐ.ആര്‍.ഡിയില്‍ തെരഞ്ഞെടുക്കപ്പെട്ട പ്രതിനിധികള്‍ക്കായി ദ്വിദിന ശില്‍പശാല സംഘടിപ്പിച്ചിരുന്നു. അതിന്റെ തുടര്‍ച്ചയായിട്ടാണ് ഇന്ന് ശില്‍പശാല സംഘടിപ്പിച്ചത്.