നെടുമങ്ങാട്: പനവൂര്‍ ഗ്രാമപഞ്ചായത്ത് കേരളോത്സവം അഡ്വ. ഡി.കെ മുരളി എം.എ.എ ഉദ്ഘാടനം ചെയ്തു. പാണയം കിളിത്തട്ടില്‍ വച്ച് നടന്ന ഉദ്ഘാടന സമ്മേളനത്തില്‍ സിനിമാ-സീരിയല്‍ താരം എന്‍.കെ കിഷോര്‍ മുഖ്യാതിഥിയായി. ഗ്രാമപഞ്ചായത്ത് പ്രസിഡന്റ് എസ്.വി കിഷോറിന്റെ അദ്ധ്യക്ഷതയില്‍ കൂടിയ യോഗത്തില്‍ ഗ്രാമപഞ്ചായത്ത് വൈസ് പ്രസിഡന്റ് എസ്.മിനി സ്വാഗതം പറഞ്ഞു.
യോഗത്തില്‍ ആശംസകള്‍ അര്‍പ്പിച്ചുകൊണ്ട് ജനപ്രതിനിധികളായ എസ്.ഷാജഹാന്‍, ജി.റ്റി.അനീഷ്, പി.സുഷ, ബിനു വിനോദ്, ജെ.ലേഖ, വി.ഐ സുനിത, മൊട്ടക്കാവ് രാജന്‍, പി.കെ രാജേന്ദ്രന്‍, വി.എസ് സജീവ് കുമാര്‍, അംബിക.കെ എന്നിവര്‍ സംസാരിച്ചു. കേരളോത്സവത്തിന് മുന്നോടിയായി പൂവക്കാട് ജങ്ഷനില്‍ നിന്നും പാണയം കിളിതട്ട് വരെ വിളംബര ഘോഷയാത്ര സംഘടിപ്പിച്ചു. പഞ്ചായത്തിലെ യൂത്ത് ക്ലബുകള്‍ ഘോഷയാത്രയില്‍ അണിചേര്‍ന്നു. കേരളോത്സവ പരിപാടി ഈ മാസം 27 ന് സമാപിക്കും.