കൊല്ലം: ഈ വര്‍ഷത്തെ  നെഹ്‌റു ട്രോഫി ജലോത്സവത്തിന്റെ വിളംബര ജാഥയ്ക്ക്  ജില്ലയില്‍ സ്വീകരണം നല്‍കി.
രാവിലെ കൊല്ലം പ്രസ് ക്ലബിലായിരുന്നു പര്യടനം തുടങ്ങിയത്. തുടര്‍ന്ന് കൊട്ടാരക്കര, കരുനാഗപ്പള്ളി, ചവറ തുടങ്ങിയ കേന്ദ്രങ്ങളില്‍ പര്യടനം നടത്തി.ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പും വള്ളംകളിയുടെ പബ്ലിസിറ്റി കമ്മിറ്റിയും സംയുക്തമായി സംഘടിപ്പിച്ച വിളംബര ജാഥ ആലപ്പുഴയിലും സമീപത്തെ നാലു ജില്ലകളിലുമാണ് പര്യടനം നടത്തുന്നത്. ജലോത്സവത്തിന്റെ ചരിത്രമുള്‍ക്കൊള്ളുന്ന ഫോട്ടോ പ്രദര്‍ശനം, നാടകാചാര്യന്‍ കാവാലം നാരായണപ്പണിക്കര്‍ രചിച്ച ഉണര്‍ത്തുപാട്ട്, നെഹ്‌റു ട്രോഫി ഡോക്യുമെന്ററി പ്രദര്‍ശനം തുടങ്ങിയവ ജാഥയുടെ ഭാഗമായി സംഘടിപ്പിച്ചിട്ടുണ്ട്.