പോത്തന്‍കോട്: ശാന്തിഗിരി റിസര്‍ച്ച് ഫൗണ്ടേഷന്റെ ആഭിമുഖ്യത്തില്‍ സംഘടിപ്പിക്കുന്ന ഗ്ലോബല്‍ സ്പിരിച്ച്വല്‍ കോണ്‍ക്ലേവിനു മുന്നോടിയായി 'സനാതന ധര്‍മ്മവും നവജ്യോതി ശ്രീകരുണാകര ഗുരുവിന്റെ ദര്‍ശന വശങ്ങളും' എന്ന വിഷയത്തില്‍ ദേശീയ സെമിനാര്‍ ഇന്ന് ആരംഭിക്കും. സ്പിരിച്ച്വല്‍ സോണ്‍ കോണ്‍ഫറന്‍സ് ഹാളില്‍ വച്ചുനടക്കുന്ന സെമിനാറിന്റെ ഉദ്ഘാടനം രാവിലെ 10ന് കാലിഫോര്‍ണിയ യൂണിവേഴ്‌സിറ്റി ഗ്ലോബല്‍ സ്റ്റഡീസ് & സോഷ്യോളജി വിഭാഗം ഹെഡ് പ്രൊഫ. മാര്‍ക്ക് ജുഗന്‍സ്മിയര്‍ നിര്‍വഹിക്കും.
ന്യൂഡല്‍ഹി ഇന്‍സ്റ്റിറ്റ്യൂട്ട് ഓഫ് ചൈനീസ് സ്റ്റഡീസ് ഹോണററി ഫെലോ പ്രൊഫ. മനോരജ്ഞന്‍ മൊഹന്തി അധ്യക്ഷനാകും. ശാന്തിഗിരി റിസര്‍ച്ച് ഫൗണ്ടേഷന്‍ ഫെലോ ഡോ:കെ. ഗോപിനാഥന്‍ പിള്ള പ്രമേയ അവതരണം നടത്തും. ശാന്തിഗിരി ആശ്രമം ജോയിന്റ് സെക്രട്ടറി സ്വാമി ഗുരുമിത്രന്‍ജ്ഞാന തപസ്വി , ഡയറക്ടര്‍ സ്വാമി നവനന്മ ജ്ഞാന തപസ്വി, കാലടി ശ്രീ ശങ്കരാചാര്യ സംസ്‌കൃത സര്‍വകലാശാല ഫിലോസഫി വിഭാഗം പ്രൊഫസര്‍ ശ്രീകല എം നായര്‍, ശാന്തിഗിരി ആശ്രമം ഉപദേശക സമിതി ജനറല്‍ കണ്‍വീനര്‍ ടി.കെ ഉണ്ണികൃഷ്ണ പ്രസാദ് എന്നിവര്‍ ചടങ്ങില്‍ സംബന്ധിക്കും.