കല്‍പ്പറ്റ: ശക്തി തെളിയിച്ച് കോണ്‍ഗ്രസിന്റെ നവോത്ഥാന സദസ്. കല്‍പ്പറ്റ ചന്ദ്രഗിരി ഓഡിറ്റോറിയത്തില്‍ നടന്ന പരിപാടി കോണ്‍ഗ്രസിന്റെയും പോഷക സംഘടനകളുടെയും പ്രവര്‍ത്തകരാല്‍ നിറഞ്ഞുകവിഞ്ഞു. ദേശീയ പ്രവര്‍ത്തകസമിതിയംഗം എ.കെ ആന്റണി പരിപാടി ഉദ്ഘാടനം ചെയ്തു.
സ്വന്തം ഇഷ്ടപ്രകാരം ജീവിക്കാന്‍ പറ്റാത്ത സാഹചര്യമാണ് നിലനില്‍ക്കുന്നത്. ഭക്ഷണം, വസ്ത്രം, ഭാഷ എന്നിവയൊന്നും ഇഷ്ടപ്രകാരം ഉപയോഗിക്കാന്‍ പറ്റാത്ത സാഹചര്യമാണ്, ഇന്ത്യ ഭരിക്കുന്നത് ആര്‍.എസ്.എസ് നിയന്ത്രണത്തിലാണ്. വര്‍ഗീയ ശക്തികളോട് സന്ധി ചെയ്യാത്തവരുമായി ഒന്നിച്ച് പോകാനാണ് കോണ്‍ഗ്രസ് ശ്രമിക്കുന്നത്. ഡി.സി.സി പ്രസിഡന്റ് ഐ.സി ബാലകൃഷ്ണന്‍ എം.എല്‍.എ അധ്യക്ഷനായി.
കെ.പി.സി.സി അധ്യക്ഷന്‍ എം.എം ഹസ്സന്‍, എം.പിമാരായ എം.ഐ ഷാനവാസ്, എം.കെ രാഘവന്‍, കെ.പി.സി.സി ജനറല്‍ സെക്രട്ടറി കെ.പി അനില്‍കുമാര്‍, സെക്രട്ടറിമാരായ കെ.കെ അബ്രഹാം, സക്കീര്‍ ഹുസൈന്‍, നിര്‍വാഹകസമിതിയംഗങ്ങളായ പി.വി ബാലചന്ദ്രന്‍, വി.എ മജീദ്, അഡ്വ. എന്‍.കെ വര്‍ഗീസ്, കെ.കെ വിശ്വനാഥന്‍മാസ്റ്റര്‍, കെ.വി പോക്കര്‍ഹാജി, കെ.എല്‍ പൗലോസ്, എന്‍.ഡി അപ്പച്ചന്‍, പ്രൊഫ. കെ.പി തോമസ്, കെ.സി റോസക്കുട്ടിടീച്ചര്‍, എം.എ ജോസഫ്, ഒ.വി അപ്പച്ചന്‍, മംഗലശ്ശേരി മാധവന്‍ മാസ്റ്റര്‍, കെ.എം ആലി, പി.പി ആലി, എന്‍.എം വിജയന്‍, ബിനു തോമസ്, സി. ജയപ്രസാദ്, നിസ്സി അഹമ്മദ്, പി.കെ അബ്ദുറഹിമാന്‍ സംബന്ധിച്ചു.