കുന്നംകുളം: നടി ആക്രമിച്ച കേസില്‍ മാഡത്തിന് പങ്കില്ലെന്ന് മുഖ്യപ്രതി പള്‍സര്‍ സുനി. കുന്നംകുളം മജസ്‌ട്രേറ്റ് കോടതിയില്‍ മറ്റൊരു കേസില്‍ ഹാജരാക്കിയപ്പോഴായിരുന്നു സുനിയുടെ പ്രതികരണം.

നടി കാവ്യാമാധവനെ പരിചയമുണ്ടെന്നും പള്‍സര്‍ സുനി പറഞ്ഞു. തന്നെ അറിയില്ലെന്ന് പറയുന്നത് ശരിയല്ല. പലപ്പോഴും കാവ്യ പണം തന്നിട്ടുണ്ടെന്നും സുനി പറഞ്ഞു.

നടിയുടെ പേര് വെളിപ്പെടുത്തുമെന്ന് സുനി പറഞ്ഞിരുന്നുവെങ്കിലും മാഡം സിനിമാ മേഖലയിലുള്ള ഒരാളാണ് എന്നുമാത്രമാണ് സുനി പറഞ്ഞിരുന്നത്.

ഈ മാസം 16 നുള്ളില്‍ വി.ഐ.പി കാര്യങ്ങള്‍ തുറന്നുപറഞ്ഞില്ലെങ്കില്‍ താന്‍ പറയുമെന്നാണ് സുനി മുന്നറിയിപ്പ് നല്‍കിയിരുന്നത്.