കരുനാഗപ്പള്ളി: നാല്‍പത് പൊതി കഞ്ചാവുമായി യുവാവിനെ കരുനാഗപ്പള്ളി എക്‌സൈസ്  പിടികൂടി. കുലശേഖരപുരം കടത്തൂര്‍ കണ്ടത്തി അമ്പലത്തിന് സമീപം മുണ്ടപ്പള്ളി കിഴക്കതില്‍ വാടകയ്ക്ക് താമസിച്ച് വരുന്ന ഷെഫീഖ് (27) ആണ് പിടിയിലായത്.
കടത്തുര്‍ ശാസ്താംപൊയ്ക റെയില്‍വേ ഗേറ്റിന് സമീപത്ത് കഞ്ചാവും മദ്യവും വില്‍ക്കുന്നെന്ന പരാതിയെ തുടര്‍ന്ന് നടത്തിയ അന്വേഷണത്തിലാണ് ഇയാള്‍ അറസ്റ്റിലായത്.കൂടെയുണ്ടായിരുന്ന പ്രദേശവാസിയായ മറ്റൊരാള്‍ ഓടി രക്ഷപ്പെട്ടു.
എക്‌സൈസ് സി.ഐ അജിദാസ്, എസ്.ഐ എം.ഹാഷിം, അസി. എക്‌സൈസ് ഇന്‍സ്‌പെക്ടര്‍ കെ.രാമചന്ദ്രന്‍ പിള്ള, സി.ഇ.ഒമാരായ സന്തോഷ്, വിജു, ശ്യാം, സജീവ്, അനില്‍കുമാര്‍ തുടങ്ങിയവരാണ് പരിശോധന നടത്തിയത്.