ഇസ്‌ലാമാബാദ്: അമേരിക്കക്കെതിരേ തിരിച്ചടിച്ച് ഇമ്രാന്‍ ഖാന്‍. നിങ്ങള്‍ക്കുവേണ്ടി നിങ്ങള്‍ നടത്തുന്ന യുദ്ധത്തില്‍ ഇനി ഞങ്ങള്‍ പോരാടില്ലെന്ന് തഹ്‌രീകെ ഇന്‍സാഫ് പാര്‍ട്ടി നേതാവും മുന്‍ പാകിസ്താന്‍ ക്രിക്കറ്റ് ടീം ക്യാപ്റ്റനുമായ ഇമ്രാന്‍ ഖാന്‍ പറഞ്ഞു. അമേരിക്കയുടെ അഫ്ഗാന്‍ നയത്തില്‍ വിള്ളല്‍ വീണിട്ടുണ്ട്. അമേരിക്കയുടെ പരാജയത്തില്‍ പാകിസ്താനെ ബലിയാടാക്കാനാണ് ശ്രമം. ഇത് പാകിസ്താന്‍ തള്ളണമെന്നും ഇമ്രാന്‍ ആവശ്യപ്പെട്ടു.
അമേരിക്കയുടേത് നന്ദിക്കെട്ട സമീപനമാണെന്നും ഭീകരതെക്കെതിരായ അമേരിക്കയുടെ പോരാട്ടത്തില്‍ 70,000 ജീവനുകളാണ് പാകിസ്താന്‍ ത്യജിക്കേണ്ടി വന്നതെന്നും ഇമ്രാന്‍ ഖാന്‍ പറഞ്ഞു.