കോഴിക്കോട്: പ്രമുഖ ഗാന്ധിയനും മുന്‍ വിദ്യാഭ്യാസ മന്ത്രിയുമായിരുന്ന പി.പി ഉമ്മര്‍കോയയുടെ സ്മരണാര്‍ഥം ഉമ്മര്‍കോയ ഫൗണ്ടേഷന്‍ നല്‍കി വരുന്ന പുരസ്‌കാരത്തിന് സാഹിത്യകാരന്‍ സി. രാധാകൃഷ്ണന്‍ അര്‍ഹനായി.
 ശില്‍പവും പ്രശസ്തിപത്രവും  അടങ്ങുന്ന പുരസ്‌കാരം ഉമ്മര്‍കോയയുടെ 17 -ാം ചരമവാര്‍ഷിക ദിനമായ ആഗസ്റ്റ് 31ന്  കോഴിക്കോട് അളകാപുരിയില്‍ നടക്കുന്ന ചടങ്ങില്‍  സമ്മാനിക്കുമെന്ന്  ഉമ്മര്‍കോയ ഫൗണ്ടേഷന്‍ ചെയര്‍മാന്‍ കെ.വി കുഞ്ഞഹമ്മദും ജനറല്‍ സെക്രട്ടറി ടി.കെ.എ അസീസും അറിയിച്ചു.