കാക്കനാട്:  കണയന്നൂര്‍ താലൂക്ക് ജമാഅത്ത് കൗണ്‍സിലിന്റെ ഹജ്ജ് പഠന ക്ലാസും യാത്രയയപ്പും സംഘടിപ്പിച്ചു. പടമുകള്‍ മദ്‌റസ ഹാളില്‍ നടന്ന ചടങ്ങ് പടമുഗള്‍ ജുമാ മസ്ജിദ് ഖത്തീബ് കെ.എം അലിയാര്‍ മൗലവി ഉദ്ഘാടനം ചെയ്തു. താലൂക്ക് ജമാഅത്ത് കൗണ്‍സില്‍ പ്രസിഡന്റ് അഡ്വ.കബീര്‍ കടപ്പള്ളി അധ്യക്ഷനായി.
കേന്ദ്ര ഹജ്ജ് കമ്മിറ്റി അംഗം അബ്ദുസ്സമദ് പൂക്കോട്ടൂര്‍ ഹജ്ജ് പഠന ക്‌ളാസ്സിനു നേതൃത്വം നല്‍കി. ജില്ലാ ജനറല്‍ സെക്രട്ടറി ഡോ.എം.ഐ ജുനൈദ് റഹ്മാന്‍ ഗൈഡ് വിതരണവും നടത്തി.
താലൂക്ക് ജനറല്‍ സെക്രട്ടറി അഡ്വ.സി.എം ഇബ്രാഹിം ഹാജി സ്വാഗതവും കേരള ഹജ്ജ് കമ്മിറ്റി മാസ്റ്റര്‍ ട്രെയിനര്‍ എന്‍.പി ഷാജഹാന്‍, മുഹമ്മദ് ബാബുസേട്ട്, എം.എം അബുബക്കര്‍ ഫൈസി, അഡ്വ.ഇ.എ അബുബക്കര്‍, പി.ഐ മുഹമ്മദലി, എ.എം അബുബക്കര്‍, എ.എ അബ്ദുള്‍ റഹ്മാന്‍, കെ.എം ഷംസു ഹാജി, താലൂക്ക്  സെക്രട്ടറി  എ.എ ഇബ്രാഹിംകുട്ടി നന്ദിയും പറഞ്ഞു.