കാര്‍തൂം: സുഡാനിലെ റഷ്യന്‍ അംബാസിഡറെ അദ്ദേഹത്തിന്റെ കാര്‍തൂമിലെ സ്വവസതിയിലെ സ്വിമ്മിങ് പൂളില്‍ മരിച്ച നിലയില്‍ കണ്ടെത്തി. മിര്‍ഗയാസ് ഷ്രിന്‍സ്‌കിയെയാണ് കഴിഞ്ഞ ദിവസം വൈകുന്നേരം മരിച്ച നിലയില്‍ കണ്ടെത്തിയത്. റഷ്യ മരണ വിവരം ഔദ്യോഗികമായി സ്ഥിരീകരിച്ചിട്ടുണ്ട്.

മരണ കാരണം വ്യക്തമല്ല. പ്രാദേശിക സമയം വൈകീട്ട് ഏഴു മണിയോടെയാണ് ഇദ്ദേഹത്തിന്റെ മൃതദേഹം കണ്ടെത്തിയതെന്ന് പൊലിസ് പറഞ്ഞു. പ്രാഥമികാന്വേഷണത്തില്‍ മരണത്തില്‍ അസ്വാഭാവികത ഇല്ലെന്നും ഹൃദയാഘാതമാവാം മരണകാരണമെന്നും പൊലിസ് പറഞ്ഞു.