കോട്ടയം: വിര നിര്‍മാര്‍ജ്ജനം ചെയ്യുന്നത് പുതുതലമുറയുടെ ആരോഗ്യത്തിന് അനിവാര്യമാണെന്ന് പഞ്ചായത്ത് പ്രസിഡന്റ് ജോഷി ഫിലിപ്പ് പറഞ്ഞു. റബര്‍ബോര്‍ഡ് കേന്ദ്രീയ വിദ്യാലയത്തില്‍ നടന്ന ദേശീയ വിരവിമുക്തി ദിനത്തിന്റെ ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം.
ജില്ലയില്‍  ഇന്നലെ വിരഗുളിക കഴിക്കാന്‍ സാധിക്കാതെ വന്ന കുട്ടികള്‍ക്ക് 17നു ഗുളിക നല്‍കുമെന്ന് ചടങ്ങില്‍ പങ്കെടുത്ത ജില്ലാ മെഡിക്കല്‍ ഓഫിസര്‍ ഡോ.ജേക്കബ് വര്‍ഗീസ് പറഞ്ഞു.  ഒന്നു മുതല്‍ 19 വയസുവരെയുളള കുട്ടികള്‍ക്ക് ജില്ലയിലെ സ്‌കൂളുകളും അങ്കണവാടികളും വഴിയായിരുന്നു ഗുളിക വിതരണം. ചടങ്ങില്‍ ജില്ലാ പഞ്ചായത്ത് ആരോഗ്യ സ്ഥിരം സമിതി അധ്യക്ഷന്‍ അഡ്വ. സണ്ണി പാമ്പാടി അധ്യക്ഷത വഹിച്ചു.