മുംബൈ: പുതിയ നിറത്തിലും രൂപത്തിലും 50 രൂപ നോട്ട് പുറത്തിറക്കുമെന്ന് ആര്‍.ബി.ഐ പ്രഖ്യാപിച്ചതിനു പിന്നാലെ മുംബയില്‍ ഒരാളുടെ കൈയ്യില്‍ നോട്ട് കണ്ടെത്തി.
അച്ചടി പൂര്‍ത്തിയായിട്ടുണ്ടെന്നും താമസിയാതെ പുതിയ 50 രൂപ നോട്ട് പുറത്തിറക്കുമെന്നായിരുന്നു സര്‍ക്കാര്‍ അറിയിച്ചിരുന്നത്. എന്നാല്‍ ഇത് ഒരാളുടെ കൈയില്‍ എത്തിയത് എങ്ങനെയെന്നത് ദുരൂഹതക്ക് ഇടയാക്കിയിരിക്കുകയാണ്.
ഹംബിയിലെ രഥത്തിന്റെ ചിത്രം ഒരു ഭാഗത്തും മറുഭാഗത്ത് മഹാത്മാഗാന്ധിയുടെ ചിത്രവുമുണ്ട്. 66 മി.മീറ്റര്‍ ഉയരവും 135 മി.മീറ്റര്‍ നീളവുമുള്ള നോട്ടാണ് ഇന്നലെ മുംബൈയില്‍ കണ്ടെത്തിയത്.