കൊടുവള്ളി: ലഹരി ഉപയോഗത്തിനെതിരേ പ്രതികരിച്ച കെട്ടിട ഉടമയെ മര്‍ദിച്ചതായി പരാതി. കൊടുവള്ളി പൊയിലില്‍ ഷൗക്കത്ത് (54)നാണ് മര്‍ദനമേറ്റത്.
ബുധനാഴ്ച്ച രാത്രി പത്തരയോടെയാണ് സംഭവം. മാര്‍ക്കറ്റ് റോഡില്‍ പ്രവര്‍ത്തിക്കുന്ന ഷൗക്കത്തിന്റെ കെട്ടിടത്തിന്റെ പിന്‍വശത്ത് നടക്കുന്ന ലഹരി ഉപയോഗത്തിനെതിരേ കഴിഞ്ഞ ദിവസം ഇയാള്‍ പൊലിസില്‍ പരാതി നല്‍കിയിരുന്നു. പൊലിസ് സ്ഥലത്തെത്തി പരിശോധന നടത്തുകയും ചെയ്തിരുന്നു. ഇതിന് പിന്നാലെയാണ് ബുധനാഴ്ച രാത്രിയില്‍ ഷൗക്കത്തിനെ സംഘം മര്‍ദ്ദിച്ചത്.ഗുരുതരമായി പരുക്കേറ്റ ഷൗക്കത്ത് കൊടുവള്ളി കിംസ് ആശുപത്രിയില്‍ ചികിത്സ തേടി.